Imatembelo yakwa Mose umubofi waba Lesa. ¹ Ba Shikulu, muli aba kufisamamo besu impindi yonse ukufuma kufikolwe fyonse. ² Ili ne mpili tashinga pangwa, nangu kupanga ne kyalo ukufuma kukutendeka na kumpelo, ni mwebo ba Lesa. ³ Mulabwesha umuntu kwiloba, kabili mulalabila, ''Bweleni, mwefikolwe fya muntu.'' ⁴ Pakuti imyanda ikumi pa menso enu ili koti ni mailo ili bwapita, kabili kwati kulonda mu bushiku. ⁵ Bapyangeni kwati kwisulilwa kwameshi kabili kabalala; mulukelo bali kwati kyani ikyo ikikomena. ⁶ Ulukelo kilatepuka nekukula; mukyungulo filafota nekuma. ⁷ Ifyakine, twaliwa kubukali bwnu, kabili na mubukali bwenu tuli ne mwenso. ⁸ Mwabika ububi bweshi pantashi lyenu, amasambi esu afisamikele apatubile mukyeni kyenu. ⁹ Ubumi bwesu bulapita mubukali bwenu; imyaka shesu shilapita bwangu kwati mwau. ¹⁰ Imyaka shase amakumi asano ne maskumi abili, nangu amakumi asanu ne makumi atatu ngatuli abomi; Nangula imyaka shesu ishiweme shilipendelwe mu malwa ne bulanda Ee, shilapita bwangu, kabili shilaya. ¹¹ Ninani uwishibile amakosa ya bukali bwenu, kabili ne bukali ubo bulingene kukuchinwa kwa mwenso wenu? ¹² Palififyo tufundisheni ifyakusunga imyeo shesu pakuti twikale aba mano. ¹³ Mukebe kunuma, Ba Yawe! Impindi inga kulaba? Beni ne kumbu pabasha benu. ¹⁴ Tuikudisheni mulukelo nekipangano kyenu ikyakishika pakuti twingasangalala neku temwa ishiku shesu shonse. ¹⁵ Tupangeni aba kusangalala mupindi ya shiku twatitishiwe kabili ne myaka twapitamo iya bwafya. ¹⁶ Lekeni umusha wenu amone imilimo yenu, kabili lekeni abana benu bamone ubuleme bwenu. ¹⁷ Lekeni ikumbu shaba Shikulu ba Lesa wesu babe abesu; bapale imilimo ya maboko esu; Kine, bapale imilimo yamboko esu.