Kumwine umukulu wa ngomba; uwapa filimba fya myando. Isano lyakwa Dafiti. ¹ Ngitabeni kani naita, balesa ba bulungami bwangi; mpeni mpense ili nailikilwa mukachi. Nkichileni nkumbu nekukuchika kukutenbela kwangi. ² Mwebo mwebantu, nimpinji shinga mukali kwalulo buleme bwangi munsoni? nimpinji shinga mukali kutemwa filya ifya lukoso nekufwa ishe fyabufi? sela ³ Lomba ishibeni achi ba yawe bapafwila limo pakabeya abakuketekela babo abene. Bayawe bakomfwa kani naita kulibo. ⁴ Tumeni mu mwenso, lomba mwebifya! labila mumuchima pamupunda wobe ne kwikala kelele. Sela ⁵ Pele milambo iya bulungami nekubiko kuketekela muli ba yawe. ⁶ Abengi balalabila ati,"mba ninani uwakutubweneshe kiweme?"bayawe, imyeni peulu inyali yakilungi kyeni pali fwebo. ⁷ Mwapelo muchima wangi ukusangalala kukulu ukukila ukwali nabambi ili akalyo kabo ne mfaina yabo iyabukumo ifingi. ⁸ Ni mumutende emo nkalalapanshi nekuya mutulo, pali mwebo mwenka, ba yawe, ngikalikeni bwino neku kingililwa.