¹ Muli mwebo, bayawe, emo nsangile ukutusha; mwendeka ndekeshiwe nsoni. Mpokololeni mubulungamibwenu. ² Umfweni kuli nemo; mpulusheni bwangu; mube libwe lyangi lya kufisamamo, ilikosele muku mpulusha nemo. ³ Pakuchi emwe bwe lyangi kabili ebukingo bwangi. fyekefyo pakuchi pe shina lyenu, tangilileni neku ndungika nemo. ⁴ Mfumyeni mubukonde ubu ba mfishilila nemo pakuchi emwe bukingo bwangi. ⁵ Mumaboko enu emo umupashi wangi uketekela; mukampulusha nemo, bayawe, balesa aba kuketekela kwabukine. ⁶ Nji pachile abo ababombela tulubi utwa lukoso, lomba njiketekele muli ba yawe. ⁷ Nkabo wakusangalala nekusekela mukulayana kwenu ukwa bukiine, pakuchi mwalimwene ukukyula kwangi; mwalishibile fyakukatasha fya mweo wangi. ⁸ Tamwapanine nemo mumaboko abalwani bangi. Mwabika molo angi mu mpushe ikulu iishinkukile. ⁹ Beni ne nkumbu pali nemo, bayawe, pakuchi njimu fikatashe; amenso angi alikuya mukunyonga ne kiyenge nemweo wangi ne mubili pamu. ¹⁰ Pakuchi ubumi bulikunyonga ku nkumba bulili ne myaka shangi mukutenda. amakosa angi afilwa pamulandu wa kubifya kwangi, ne fifupa fyangi fyaonauka kale. ¹¹ Pamulandu wabalwani bangi bonse, abantu bankitakapuni nemo; ne bakikala nkulo bangi baimanamo pamulandu wa musango wangi, kabili nababo abangi shibile nemo baba ne mwenso. balya aba mona mu mashila bala mbutuka nemo. ¹² Nemo bandubako kochi muntuubipile umuntu talangulapo. Nji kochi ni nongo iitobekele. ¹³ Pakuchi naumfwo kutepeta kwabengi, umwenso wa kukatasha kwabengi, umwenso wa kukatasha ukufuma kumbali shonse ili bali kumfwana pamopali nemo. Bali kulanguluko kupinto mweo wangi. ¹⁴ Lomba njiketekele muli mwebo, ba yawe; nalabila ati, "emwe ba lesa wangi." ¹⁵ Impindi yangi ili mukuboko kwenu. mpokololeni ukufuma mumaboko abalwani bangi na kuli babo aba ntafya tamfya. ¹⁶ Pangeni kilungi kyenu kisami ne pa mubomfi wenu; mpulusheni nemo mu kulayana kwa bukiine. ¹⁷ Mwendeka ndekeshiwe nsoni, ba yawe; pakuchi naita pe shina lyenu! lekeni ababifi balengeshiwe nsoni! bengekala kelele mu Shilo. ¹⁸ Lekeni milomo ishibepe shikale kelele isho ishilabile fibi pamulungami ifya mwenga mukulitota nemisula. ¹⁹ Kyakine ubune bwenu bwakuchi ubukulu ubo mwaba tulila aboaba myakanwa mwebo, ifi mubakichila bo abafisama muli mwebo kumenso abonse abana babantu. ²⁰ Mukya kufisamamo kya mukyeni kyenu, mulabafisa kukumfwana kwa bantu. Mmubafise mukya kufisamamo ukufuma ku mapata anjimi. ²¹ Bakinjikwe bayawe, pakuchi bandanga inkunbu shabo ishakukumya ishakulayana kwa bukishinka ili nali mumushi uukateshe. ²² Nangu nalilabile mukya kunganusha kyangi," nakesekako ukufuma ku menso enu,"lomba mwalyumfwile ukusasa kwa kungofwa ili nalilile kuli mwebo. ²³ Temweni ba yawe, mwense mweba kishika. Bayawe balaba kingilila aba kishinka,lomba alabapela ukubabwesesha abalitota mu fiswile. ²⁴ Beni abakosa ne michima yenu ibe iishipile, mwe bonse mwemuketekele muli ba yawe ukumyofwa.