¹ Isamo ilyokwe Dafiti. Paneni kuli ba yawe, mwebo mwebo mwebana bakwa lesa,paneni kuli ba yawe umukinshi ne makosa! ² Paneni kuli ba yawe umukinshi uwelelwe kwishina lyabo. Fukameni panshi kuli ba yawe nekubalambila pabune nekusweta kwabo! ³ Ishiwi lyabo bayawe lyaumfwanika napeulu ya menshi; ba lesa ababuleme balaluluma, ba yawe balaluluma peulu ya menshi ayengi. ⁴ Ishiwi lyaba yawe lili nemakosa; Ishiwi lyaba yawe lilemene. ⁵ Ishiwi lyaba yawe lilamokaula nefichi fya Sida; ba yawe balamokaula mufipimfwa ifichi fya Sida ifya Mulebanoni. ⁶ Alalengesha Lebanoni ukutolauka kochi mwana wa ñombe kabili na Shilyoni kochi mwana wa ñombe iilume. ⁷ Ishiwi lyaba yawe lilatuma injimi shamulilo. ⁸ Ishiwi lyaba yawe lilatenkanya mpanga ba yawe balatenkanya mpanga ya Kadeshi. ⁹ Ishiwi lyaba yawe lilalengesha ifichi ukulishongo kabili nekubula ifichi mumayamba. kabili bonse abali mwitempela lyabo labileni ati, "ubuleme!" ¹⁰ Ba yawe balikele kochi nimfumu peulu ya menshi, ba yawe balikele kochi ni mfumu inshiku shonse. ¹¹ Ba yawe balapana amakosa kubantu babo; Ba yawe balashukisha abantu babo nemutende.