¹ Mbanindo imikoka yabantu ilukupuputilwa, kabili nindo abantu bakichila ifintu ifi tafikakitwa? ² Imfumu shamu kyalo kyapanshi shilateyanya pamo kabili ne ntangishi pamo shali balukile ba yawe kabili na Mesiya wabo, nekulabila achi, ³ "twendeni tuputaule ifyakukaka ifyo babika pali fwebo ne kupoosa iminyololo yabo." ⁴ Uyo uwikele mwiulu akabaseka bo; bashkulu balabakyusha bo. ⁵ Penka akalabila kulibo mubukali bwakwe ne kubachinya mukufitwa kwakwe, ne kulabila achi, ⁶ "Nemo ne mwine naisuba amafuta imfumu yangi pali Ziyoni, ulupili lwangi ulwa mushilo." ⁷ Nkabulilisha ikisontelwe kyaba yawe. Aliklabile kuli nemo ati, "webo uli mwana wangi! kano akasuba naba nji wiiso. ⁸ Ndomba nemo, kabili nkakupela webo imikoka yabantu ukuba buswani bobe kabili ne mpelo ya mipaka yafyalo fikaba bunoshi bobe. ⁹ Ukafitobaula ne kyeela kyakapotwe; kwachi ni nkomeki iikulu iye bumba, ukafimaka panshi ne kutobaika tunini tunini." ¹⁰ Kanshi pano, mwe mfumu, mukengele; mololwe, mwe ntangishi shamu kyalo kya panshi. ¹¹ Kamubalambila ba yawe mukuchina nekusangalala ne kututuma. ¹² Mufyo mpeni umwana umwalalume kani Yowo engesa kumifichilweni webo, kabili mukafwila munshila ulo ubukali bwakwe bwe ngamyokya pa mpindi iniini. Bashukile abo bonse ubafwaisha aka mfute muli ye.