Isamo lyakwa Dafiti. 1 Ba Yawe, ninaani uwengekala mwitempele lyenu Ninaani uwengekala palupili ulweenu ulushilile. 2 Onse uwa kweenda ukwa kubula akabi, alakita ifiweme kabili alalabila ikishinka ukufuma mumuchima wakwe. 3 Ululimi lwakwe talwefya, takita ifibi kuba byakwe, kabili tatuka umupalamina. 4 Umuntu ushilingilwe alilengulwilwe mumenso akwe, Pano alalemya balya aba china ba Yawe.Alalilapila ifibi umwine kabili talubako amalayo akwe. 5 Tafwaya lyakumu bikilapo pelu anga akongwesha indalama. Takitapo amafisa kanwa mukubepesha abakaele. Ulya ukita fino fyonse takaseshiwe.