1 Peleni ukutota kuli ba Yawe, pantu bo baliweme, ikipangano kyabo ikya kishinka kilikele umuyayaya. 2 Lekeni abena ishilileli balabile ukuchi, ''Ikipangano kyakwe ikya kishinka kya muyayaya.'' 3 Lekeni inada ya kwa Aloni ilabile ukuchi, ''Ikipangano kyakwe ikya kishinka kya muyayaya.'' 4 Lekeni aba kishinka aba konka ba Yawe balabile ukuchi, ''Ikipangano kyakwe ikya kishinka kya muyayaya. 5 Mubulanda bwangi nalichile pali ba Yawe; ba Yawe balingasukile nemo kabili ne kumpokolola. 6 Ba Yawe bali na nemo; Shakachine; nifindo umuntu engakita kuli nemo? 7 Ba Yawe bali na nemo ebukwasho bwangi; nkabakeba nelinso lyakukinfya balya bonse abampachile nemo. 8 Kiliweme ukusanga umwakutoshisha muli ba Yawe ukukila ukubika ikiketekelo mu muntu. 9 Kiliweme ukusanga ikya kufisamamo muli ba Yawe ukila ukubika ikiketetekelo mu mwana wamfumu. 10 Fyonse ifyalo fyalinshokolekele nemo; mwishina lya ba Yawe nafiputaulako. 11 Balishokolekele nemo; ee, balishokolokele nemo; mwishina lyaba Yawe na baputulako. 12 Balishokolokele kwachi ninshimu; baliluabile bwangu kwachi mulilo mumyunga; mwishina lyaba Yawe nabaputulako. 13 Balingimine pakuti bamponye panshi, pano ba Yawe balingafwile nemo. 14 Ba Yawe makosa angi kabili nensansa, kabili nibo ebapulusha nemo. 15 Insansa isha kubilika ukukinfya kwaufwanika muma tente aba lungami; ukuboko kwalyulyo kwaba Yawe kulaba kinfya. 16 Ukoboko kwalyulyo ukwaba Yawe kuli suntwilwe; ukuboko kwalyulyo kwa ba Yawe kulaba kinfya. 17 Shakafwe yowo, pano kenkala uwa bumi nokulabila ifyakita ba Yawe. 18 Ba Yawe bampela impanishi iyikulu, pano tabapele ubumi bwangi kunfwa yowo. 19 Shinkwileni imilyango shabulungami; nkengila muliyo kabili nkatola ba Yawe. 20 Uno emulyango waba Yawe; abaluygami balengila ukupichila mulio. 21 Nkapela ukusanta kulimwebo, pantu mwalinga sukile nemo, kabili mweaba ipusukilo lyangi. 22 Ibwe lilya bakene kubasompa lyaba ninsuso. 23 Fine fyakitwa naba Yawe; fyawama mumenso esu. 24 Buuno ebushiku ba Yawe babomba; tuka sekelela no kusangalala mulibo. 25 Twamipapateni, ba Yawe, tupeleni uku kinfya! twamipapateni, ba Yawe, tupeleni ishuko! 26 Ali palilwe ulya onse uwishala mwishina lyaba Yawe; twamipala ukufuma mu nanda ya ba Yawe. 27 Ba Yawe niba Lesa, kabili batupela ulubuto; kakeni umulambu ku myande na kuma sengo akyokelo. 28 Nimwe ba Lesa bangi, kabili nkapela amatotelo kuli mwebo; nimwe ba Lesa bangi; nkamimya mwebo. 29 Oo, peleni amatotelo kuli ba Yawe, pantu baliweme, pakuti ikapangano kyabo kyakishinka kabili kya muyayaya.