¹ Njibatememwe ba Yawe pantu balonfwa ishiwi lyangi ne kulomba kwa kumbu shbo. ² Pantu balingufwile nemo, nketa palibo ilikili ne bumi. ³ Intambo yalufu yali mpombele kabili ne kakose kakishaba kyabafu kakinchinga nemo; kangufwa ukukatashiwa ne nkumbu. ⁴ Penka kangita peshina lyaba Tawe: ''Napapata ba Yawe, pokololeni ubumi bwangi.'' ⁵ Ba Yawe abankumbu ne mulinganya; ba Lesa wesu aba nkumbu. ⁶ Ba Yawe balafimbila aba taba kengele; kabambwesha munshi, kabili bakampususha. ⁷ Umweo wangi kuchi abwelela pampunsha epo atushisha, pakuchi ba Yawe baweme kuli nemo. ⁸ Pakuchi mwebo mwali pokolwele ubumi bwangi kumfwa, amenso angi ku minsoshi, kabili namolu angi kuafumya kukulufyanya. ⁹ Nkaba bombela ba Yawe mu kyalo kya bomi. ¹⁰ Nali ketekele mulibo, nangu elyo nalabile, ''nakilamo ukuchicikishiwa.'' ¹¹ Mukufulungana kwangi ka ndabila, ''abantu bonse babufi.'' ¹² Kuchi nalipila shani ba Yawe pa nkumbu shabo shonse kuli nemo? ¹³ Nkemya inkomeki ya bupususho, ne kwita peshina lyaba Yawe. ¹⁴ Nkafikilisha ifilayo fyangi kuli ba Yawe pa menso abantu babo bonse. ¹⁵ Ikiweme kumenso aba Yawe nimfwa yaba lungami babo. ¹⁶ Ba Yawe, kyakine, nji mushi wenu; njimusha wenu, umwana umwalalume uwamusha wenu umwanakashi; mwafumyapa ifya ku nkaka. ¹⁷ Nkapela kuli mwebo ifya milambu ifya kutotela kabili nkuta peshina lyaba Yawe. ¹⁸ Nkafikilisha ifilayo fyango kuli ba Yawe pamenso abantu babo bonse, ¹⁹ munanda ya ba Yawe iya kupaingwilamo, mukachi kenu, Yelusalemi. Lumbanya ba Yawe.