¹ Lumbbanya ba Yawe. Nkapela ukutotela kuli ba Yawe ne muchima wangi onse mukilye kya balungami, na mukubungana kwabo. ² Imilimo yaba Yawe ikulu, balaifwaisha kuli abo bonse abaipembelela. ³ Imilimo yabo ilemene kabili yabukata ne bulungami bwabo bukekala umuyayaya. ⁴ Alakita ifintu ifiweme ifyo bakanuka; ba Yawe ebakapela kabili ba nkumbu. ⁵ Alabapela ifya kulya balya aba mukonkela mukishinka; aketa lyonse mukwanuka ikipangano kyakwe. ⁶ Alibamweshele abantu bakwe imilimo yakwe iya makosa mukubapela ifyabupyani bwa fyalo. ⁷ Imilimo iya maboko akwe eya bukine kabili yakishinka; amafunde abo onse akine. ⁸ Fyaikalikwa umuyayaya, mukuakonkela mubukine nam mukulungama. ⁹ Alibapele ukukimfya abantu bakwe; alitentekele ikipangano kyakwe umuyayaya: ishina lyabo lya mushilo kabili likindeme. ¹⁰ Ukuchina ba Yawe ekutachika kwa mano: bonse abapinta amafunde akwe bali nokumfwa ukuweme ukulumbwa kwabo kwa muyayaya.