¹ Penka Yobo kamwasuka nokulabila ati, ² "O, anga makosa yalipimimwe; anga makatasho fyali mumulongo ukwesakanya! ³ Pano kilemene ukukilaumusenga wakumenda. ekyo ifyenbo fyakepelwa. ⁴ Pantu imikento ya bakosele ili muli nemo, umupashi ulanwa sumu; imifwi ya lesa yalibabila mumilongo pali nemo. ⁵ Kani imbongolo yamupanga ilaseka pakubona ifyani? nangu ingombemusala ili yabona ikyani? ⁶ Kani ifya kubula umukele kafiliwa? nangu mwiyayi lya kufuba? ⁷ Nakana ukufikata; fili koti fyakulya ifikanaminwe kuli nemo. ⁸ Mukine ndunokwipusha; ukwebati balesa balukupela ifintu nalukupenbelela. ⁹ Ukwebati kisekeshe balesa ukupama nemo limo, ukwebati ndekeko ku maboko nokuputula ukuputula ubumi! ¹⁰ Ifi fyaba fyakupelako nangu nasekela ukupeshiba tafilu kutendeleshiwa: ukwebati nokana amashiwi yaba swetele. ¹¹ Amakosa yangi, ukwebati ngeseke ukupenbela? ipelo yangi, ukwebati twalilile ubumi bwangi? ¹² Amakosa yangi koti yaba yamabwe? nangu umunofu ukubagwa koti lunbemba? ¹³ Kashika ukwebati shilipo nobwafwa mulinemo, ukweba amano afumamo muli nenbo? ¹⁴ Kumuntu ulu kulekilwa, ulwitabilo lwalinga ukuboneka kubamupalamano; nangu ulukukana ukutina amakosa. ¹⁵ Lomba abakwanu bali nolwi nobusumini muli nenbo fyeka utunika twa mulubasa bupanga umufolo wa menda ukwalukoso, ¹⁶ bali mufishi ya menda yakutikama pali nbo, pamulandu ukutikama kamenda yabafimba. ¹⁷ Ili ba pamini, balafwa;ili kwakaba, balasungulika papusha yanbo. ¹⁸ Amakalaki nbendamo mushila alaluka ku menda, balenda mafiselebwa penka nokonaika. ¹⁹ Amakalaki ukufuma ku Tema bakeba kulya, ili tumabumba twakuSheba taketekela muli nbo. ²⁰ Bali sebene pamulandu bali ketekele nukufwaya amenda. Kabaya, lomba bali mbepelwe ²¹ Pano mwebatemwe takulipo nelikatu kuli nemo; mwamona ukupenga nokiutina. ²² Shilabile kuli mwenbo, 'peleni fimo nemo'nangu, 'peleni ubupe bwa maboni enu' ²³ nangu 'ukupulusha ukufuma kuba kofwa ukuboko' nangu, 'mundubule ukufuma kumaboko yababungwa'? ²⁴ Sabisheni, nokwikata kumutende, pangeni ukufwa abonalufyanya. ²⁵ Mbokusomenwa kwa mashiwi yakine! lomba ukupatika koti bangasuka shani? ²⁶ Mweesha ukulanguluka ukulubako amashiwi yangi, nokulinganya ifyenbo fya utulungene koti nilubesha? ²⁷ Mukine ulateya ububale kubana abatali naba wishabo, nokulisha nekibusa kyenu. ²⁸ Pano, penka napapata kebeni, mukine shilukunbepa pamenso yenu. ²⁹ Ndukumikobeleleni, namilomba; tekuti kube ifisendeme; mukine, ukukobetela pali nemo kuweme. ³⁰ Kulipo ikibipile palulimi? kani akanwa kalabila ifibipile?