¹ Kumpelo ya shonse imyaka shisanu na shibili, mukafute nkongole. ² Uyu musango wa kulubula: onse uukongwesha akafuta fyonse ifi akongweseshe ku mubyakwe; Takepushapo ukufuma kumu byakwe nangu kumukwabo pakuchi ba Yawe bafuuta kale inkongole ba bilika. ³ Kubena fyalo kuchi mwafwaya; lomba pali fyonse ifyobe ifili ne mukwanu ukuboko kobe kwinga lekako. ⁴ Lomba mwekabapo uupengele mukachi kenu (pakuchi ikyakine ba Yawe baka mishukisha mu kyalo ikyo bamipela koti kupoke kya bupyani), ⁵ lomba kaniso mwakuchikishaso kwishiwi lya ba Yawe ba Lesa benu, ukusunga onse aya amafunde na mikambisha kasuba ka lelo. ⁶ Pakuchi ba Yawe Lesa benu bakamishukisha, koti ifi ba milaile; muakongweshe fyalo ifingi, lomba tamuka kongola; mukali kutangilile fyalo ifingi, lomba tabaka mitangililapo mwebo. ⁷ Kani muli upengele mwenu, umo umukwanu, mwenka mukachi ka milyango shenu mukyalo kyenu ikyo ba Yawe ba Lesa benu bali kumipela, mwekali kukosesha michima nangu kushiko kuboko ukufuma kumukwanu upengele; ⁸ Lomba mukali kushinkulo kuboko ikyakine kuli ye ikine ne kumukongwesha ifi fikile mukukalilwa kwakwe. ⁹ Kamukengela nkubulo kuba ne malangulushi ambi mu mitima shenu, ati, ''umwaka wa bu sanu na shibili, umwaka wakulekako, wapalama, 'ukwebati mwekaba ababutani mufya balya abakwanu abapengele ne kubulo kabapelapo fimo; enga lila kuli ba Yawe pali mwebo, kabili kyengaba kubifya kuli mwebo. ¹⁰ Kine mulyelelwe upana kuli ye, kabili amitima yenu yeba ne kuli lishanya pakupana kuliye, pakuchi pakubwesha pali fifi ba Yawe ba Lesa benu bakamishukisha mu milimo shenu shonse na muli fyonse ifi mubikako amaboko enu. ¹¹ Pakuchi abapengele taba kaleko kubako mu kyalo; Fyenkefyo na mikambisha mwebo ati, ''Mukali kushinkule kine amaboko enu ku bakwanu, ku fya kufwaya fyenu, naku bapengele benu mu kyalo kyenu.' ¹² Kani umukwanu, umu Hebelo umwalalume, nangu umu Hebelo umwanakashi, ashitishiwa kuli webo kabili akubombele myaka isanu na umo, penka mu myaka ya bu isanu na ibili ukamuleke akaye kakakulukile ukufuma kuli webo. ¹³ Kani wamuleka aya ukufuma kuli we, wenka muleko kuya amaboko lukoso. ¹⁴ Uka mumumwepo fimo ifya kumupela ukafuma mu nama shobe, kufuma namuli fifyo ifya mu malimi enu, na ku fya mfaina. Koti fyenka ba Yawe bamishukisha na fyo, mumufipane kuli ye. ¹⁵ Kamuli kwanuka ati mwali muli basha mu Ijipiti, kabili ati ba Yawe ba Lesa benu balimifumishemo mwebo; fyenkefyo na mikambisho lelo ati kiteni fi. ¹⁶ Kikakichika ati kani alabile kuli mwe, 'Inshikaya ukufuma kuli mwe, 'pantu ali mitemenwe ne nanda yenu, kabili pantu alekala bwino nenu, ¹⁷ penka mukatole akapwa nekukaketekela ukupita mumatwi akwe ukuya kukibi, kabili akaba wa mulimo wenu imyaka shonse ukakite fimo na ku mubomfi obe umwanakashi. ¹⁸ Kyekali kumoneke kikosele kuli mwebo ukumuleko kuya ukufuma uku muli, pakuchi amibombele myaka shisanu na umo ne kumupele fifikilemo libili ku muntu mwateula. Ba Yawe ba Lesa benu bakamishukisha muli fyonse mukita. ¹⁹ Fyonse ifya bubele fya mu matanga na mu mbelele mukafitule pakabeya kuli ba Yawe ba Lesa benu. Tamuka bombepo imilimo ne babeli ba pa ngombe, nangu kwibeya masako imbelele ishibeli. ²⁰ Mukali kulya isha bubele kumenso aba Yawe ba Lesa benu umwaka pamwaka mu nkyende iyo ba Yawe bakasala, mwebo ne ba munanda yenu. ²¹ Kani ilipo nekalema - ikya ku bwenako, kani ilema nangu ipofwele, nangu ili ne bulema buli bonse - mwekailambula kuli ba Yawe ba Lesa benu. ²² Mukali kulila pa milyango yenu, abantu abatubile neba fiko bonse pamo, koti fyenka mwengalya lupala nangu kabashi. ²³ Kani mwebo mwenka tekulya pa milopa; mukashitulwile panshi kochi menshi.