¹ Dra tamizay andro zay dra narary fa ho maty i Hezekia. Dra nagnaton'anazy i Isaia zanak'i Amosa, gny paminany, dra nizaka taminazy ho: "Hoy i Yaveh: "'Arindrao gny tragnonao; fa ho maty hanao, dra sy ho velo."' ² Dra nitoliky nagnatriky gny rindry i Hezekia dra nivavaky tamin'i Yaveh izy nanao anizahoky: ³ "Ba mengavy re, ry Yaveh oh, ba sarovy gny nandehanako apahatokia teo amigny agnatrehanao tamigny foko manotolo, vo gny nanovako gny soa teo amasonao." Dra nitomagny fatrasy i Hezekia boak'eo ⁴ Melohanigny niboahan'i Isaia teo agnevonigny tokotany, dra avy taminazy gny zakan'i Yaveh, nanao anizahoky ho: ⁵ "Miheregna, dra zakao i Hezekia, gny pitariky gny oloko ho: 'Zao gny zakan'i Yaveh, Zagnaharin'i Davida razambenao: "Fa reko gny vavakao, dra hitako gny ranomasonao. Hagnasitran'anao Zaho amigny andro fahatelo, dra hiakasy agny atragnon'i Yaveh hanao. ⁶ Hapiako dimy ambiny folo tao gny andro hiegnanao, dra ho vozeko amigny tagnan'ny pazakan'i Asyria hanao vo ithoky tana tihoky, dra ho arovako itihoky tana tihoky nohon'ny amin'i Davida panopoko.'' ⁷ Dra hoy Isaia ho: ''Mangalaky fehezan'aviavy.'' Dra nanao izay izy ireo dra napetrany tamigny vai-ny izay, dra sitrany izy. ⁸ Hiy i Hezekia tamin'i Isaia: ''Ino gny famatara fa hositragnin'i Yaveh zaho, Vo gny tokony hiakarako agny amigny tempoly amigny andro fahatelo?'' ⁹ Namaly Isaia ho: ''Izao gny famatara ho anao avy amin'i Yaveh, fa i Yaveh dra hanao izay raha nizakany. Tokony handroso dingana folo se gny aliky, sahihemotra dingana folo?'' ¹⁰ Namaly i Hezekia: ''Mora ho an'ny aloky gny handroso dingana folo gny aloky.'' ¹¹ Dra nitokatoka an'i Yaveh i Isaia paminany, dra nandesiny nihemosy dingana folo gny aloky, avy tagny amigny nihesehany teo amigny tohos'i Ahaza. ¹² Tamin'izay fotoa izay i Merodaka Baladana zanak'i Baladana pazakan'i Babylona dra nandefa taratasy vofagnomeza tany amin'i Hezekia, satria reny fa narary i Hezekia. ¹³ Niteno izay taratasy izay i Hezekia, dra nasehony ireo pinday hafasy gny lapaaby vo gny zava-sarobidiny, gny volafosy, gny volamena, gny zava-magnisy vo gny menaky sarobidy, dra gny tragno fitehirizany gny fitova-pialiany, izay aby iza dra hita tao amigny tragno fitehirazany. Sy nisy raha izy sy nasehon'i Hazekia anazy ireo tao atragnony, na tao amigny fazakany. ¹⁴ Dra Isaia paminany nagnagny amin'i Hezekia pazaka dra nagnotany anazy ho: "Ino gny nizakan'iregny lelahy taminao regny? Avy eza izy regny?" Hoy i Hezekia: "Boak'agny atany lavisy agny Babylona ereo." ¹⁵ Nagnotany i Isaia ho: "Ino gny hitan'ereo tao atragnonao?" Namaly i Hezekia aby tato atragnoko. Sy nisy tamireo raha sarobiliko sy nasehoko anereo." ¹⁶ Dra hoy Isaia tamin'i Hezekia: "Tenoy gny zakan'i Yaveh: ¹⁷ 'Igno, fa ho agny gny andro hitona gny raha aby eo amigny lapanao magnagny Babylona, dra reo raha nitehirizinigny razambenao hatramizao andro zao. Sy misy na ono ma ino ho tavela, hoy i Yaveh. ¹⁸ Gny zanadahiny teraky avy aminao, ze nitezanao manoka_halan'ereo zay, dra ho lasa tandapa ao amigny lapanigny pazakan'i Babylona ereo. ¹⁹ Dra hoy i Hezekia tamin'i Isaia: "Soa gny zakan'i Yaveh ze nizakanao." Akory nihevisy izy ho: "Sy hisy fedagna vo filamina ra zay amigny androko?" ²⁰ Raha gny amireo raharaha hafa mahakasiky an'i Hezekia, vo gny heriny aby, dra gny nanovany gny farihy vo gny lakan-drano, dra gny nindesany rano tao amigny tana__moa sy fa voasorasy ao amigny bokinigny tataran'ireo pazakan'i Joda ra zay? ²¹ Nimaty nindray tamireo razambeny i Hezekia, dra i Manase zanadahiny gny nandimby anazy teo amigny toerany.