¹ Nahisake i Tompo nitsanga tagnila ty Alitara eo raho, vaho hoe reke tihoe: "Vango ty loha ambe reo hihozogna fotoneo. Potepoteho ty amity lohane egne iaby, vaho hamono amity mesobey ty sisa tavela amy gniereo raho. Tsy misy ndre raike hilay amy gniereo eo, tsy misy hilay ty amy iereo. ² Ndre handavake amity fiaigna tsy hisake agne aza iereo, le ty tagnako ro hangalake iereo agne. Na le hanganike amity lagnitse egne aza iereo, le hindeseko mizotso. ³ Na le miviny ampara ty Karmela agne aza iereo,le hila vaho hangalake iereo agne raho. Na le miviny ambane ty riake agne aza iereo, le hagnirake bibilava agne raho, vaho hanifatse iereo zay. ⁴ Na le mandeha amity handevo aza iereo, indese ty hatontane agnoloa gniereo, le hagnomey komandy ty mesobeiko raho, vaho hamono iereo zay. Hagnete iereo avao ty masoko hanimba fa tsy hanao soa iereo." ⁵ Yaveh Tompo ty maro le nikasike ty tane vaho mizare maike zay; ty iaby ze miay amignizay ao le mandala; hiboake manahake manahake ty Rano ze iaby zay, vaho hilentike ndraike manahake ty rano Egypta, ⁶ Ire ro nagnamboatse tohane reo an-dagnitsagne,vaho nampitoboke ty andohalambone feno ty tane. Nikaike ty rano ty riake re, vaho nadrarake izay tamity velaran-tane gniereo, Yaveh ro agnarane. ⁷ Tsy manahake ty vahoa Etiopia vao nareo ho ahy, nareo vahoa Israely?-izay ro fitalilia gn'Yaveh. Tsy ninday ani Israely hiboake ani Egypta, filistiana bakagne Kreta reo, vaho Syriana reo bakagne Kira vao raho? ⁸ Ingo, amity fanjaka mpandiso eo ty maso ty Tompo Yaveh, vaho handany aze tsy ho ambone ty tane eto raho, kanefa tsy hamoteke vatane ty tragno Jakoba raho-izay ro fitalilia gn'Yaveh. ⁹ Ingo, hagnomey komandy, vaho hagnozongozo ty ana Israely amity firene iaby eo raho, manahake ty ndaty manonga vare amity siva, mba tsy hipoha ty vato kele amity tane. ¹⁰ Ty mpadiso iaby bakamity vahoako le ho mate amity mesobey, reo ze mivola tihoe: 'Tsy hahatsatse na hagnato antika ty loza. ¹¹ Amy ze andro zay le hananga ty tragno lay ndre Davida nitontay raho, vaho hagnampe tsy ampe amine reo. hatsangako haravane reo, vaho hamboareko hanahake ty tamity andro taloha zay. ¹² Hanagna gniereo ty sisa tavela ani Edoma, vaho ty firene iaby ze kinaike tamity agnarako-izay ro fitalilia gn'Yaveh-nanao izay re. ¹³ Ingo, ho avy iandroy-izay ro fitalilia gn'Yaveh-lahafa mahatsatse ty hamokara ty mpiasatane, vaho mpibongo voaloboke reo le hahatsatse aze ze nambole ty voane. Vohitse reo le hampitsoatsoatse divae mamy, vaho haboa iaby reo le hikoriake miarake amizay. ¹⁴ Hindeseko mihere bakagne amityfagnadevoa ty vahoake Israely. Hananga tana rava reo iereo vaho hitoboke amignizay, hambole tanen-boaloboke iereo vaho hino ty divae gnizay, vaho hanao lavaranga iereo vahi hihina ty voka gnizay. ¹⁵ Hambole izay amity tane gniereo eo raho, vaho tsy hiombotse amity taneo ze nameako iereo sasy vatane ierero," hoe ty Yaveh Zagnaharegnareo.