¹ Petera, apostolign'i Jesosy Kristy, ho agny reo zanaky am-pieleza, reo gnazy voafily, manare agn'i Ponto, Galatia, Kapadokia, Asia sy Bitynia. ² Izay araky gny fa nihain-Dragnahary Baba mialoha, voatoka gny Fanahy ho fankatoava sy famendraha gny lio gn'i Jesosy Kristy. Ho aminareo gny fahasoava, ary hitombo gny fiadana nareo. ³ Ho tahia Ndragnahary, Baban'i Jesosy Kristy Tompotsika. Tamy gny famindram-pony, ro nanomezany antsika fahateraha vaovao ho agn'ny fahatokisa gny lova. Zay lova zay ro tamy alala gny fitsangana gny Jesosy Kristy tamy gny maty. ⁴ Zay ro ho agny gny lova zay tsy ho maty, tsy ho simba, tsy ho levo. Zay ro voatoka ho anareo agny an-danitry. ⁵ Gnareo ro arova gny herin-Dragnahary amy gny alala gny finoa, ho agn'gny famonjea zay fa vonona ho ambara amy gny fotoa farany. ⁶ Tena lavariaky momba zay nareo, na ilainareo aza gny hahatsiaro malahelo amy gny olana maro samy hafa henaniky zao. ⁷ Zay ro ho agny gny fanaporofoa gny finoanareo, zay sarobidy bevata noho gny volamena gnazy simba, zay mba ho hita gny vokatry gny finoanareo amy gny fidera,bvoninahitry, ary haja amy gny hisehoagn'i Jesosy Kristy. ⁸ Tsy nahita Azy nareo, nefa tia Azy.Tsy mahita azy nareo henaniky zao, nefa mino Azy sady tena faly amy gny fifalia tsy hay volany. ⁹ Rambesonareo henanaki zao gny vokatry gny finoa, zay gny famonjea gny fanahinareo. ¹⁰ Reo mpaminany ro nikaroky sy nanontany soa gny momba izay famonjea izay, gny momba gny fahasoava izay ho anareo. ¹¹ I reo gnazy mila gny hahay gny momba gny hoe ia sy ombia gny Fanahin'i Kristy amy ndreo ao ro mivola tamin-dreo. Izay ro niseho manahaky gny nivolaniny azy reo mialoha momba ireo fijalian'i Kristy sy gny voninahitry. ¹² Nambara tamindreo zay mba tsy hanompo gny vatany reo, fa nareo lafa nivola reo raha voalaza tamy nareo henaniky zao reo tamy gny alala reo zay nitory gny safasoa tamy nareo tamy gny alala gny Fanahy Masina nalefa baka an-danitry gny raha zay tiany reo Anjely ho hay. ¹³ Noho zay homano gny sainareo. Mahonona vata. Mametraha fatokisa amy gny fahasoava zay handesy aminareo amy gny hisehoan'i Jesosy Kristy. ¹⁴ Amy gny maha gnanaky mpankàto, ka mapifanaraky gny vatanareo amy reo faniriagnazy narahinareo tamy gny mbo tsy nisy raha hay nareo. ¹⁵ Fa manahaky gnazy raiky nikaiky anareo hoe masi, nareo avao koa, aoka ho masi amy gny fitondran-tenanareo iaby. ¹⁶ Fa voasoratry hoe: "Aoka ho masi, satria masi Aho." ¹⁷ ka laha mikaiky gnazy raiky zay mitsara tsy misy fanavakavaha araky gny asan'olo tsiraikiraiky iaby hoe: "Ray" gnareo, ka handany gny fotoan'andronareo amy gny fanehoa fanaja. ¹⁸ Hainareo fa tsy baka amy gny volafoty na volamena mety levo ro nanavota anareo tamy fitondran-tena adala zay gnianara nareo tamy gnireo razanareo. ¹⁹ Fa koa, navota tamy rà sarobidin'i Kristy gnareo, zay manahaky gnanak'ondry tsy misy kilema na tsiny. ²⁰ Voafily taloha gny nanangana agn'izao raha iaby zao Kristy, fa henaky zao tamy gny fotoa farany ro gnanambarà Azy taminareo. ²¹ Amy gny alalany ro hinoanareo an-Dragnahary, zay nananga azy tamy gny maty sy tamin'ireo nomeny voninahitry mba ho ao amin-Dragnahary gny finoa sy fahatokianareo. ²² Nandio gny fanahinareo tamy gny fankatoava gny fahamarina gnareo. Izay ro ho agny gny fitiava ara-pirahalahia malio; noho zay mifankativa mare amy gny fo. [Fanamariha: Reo dikan-tsafa sasany mivaky hoe: "Nandio gny fanahinareo tamy gny fankatova gny faharina tamy gny alala gny Fanahy gnareo"] ²³ Nateraky ndraiky gnareo, tsy baka amy gny vihy mety maty, fa baka amy vihy tsy mety maty, amy gny alala gny safan-Dragnahary velo sy mipetraky. ²⁴ Fa "gny vata iaby manahaky gny haitry,gny vonihatry iaby manahaky gny voninkazo gny ahitry. Maiky gny ahitry,sady malazo gny vonikazo, ²⁵ fa gny safa gny Tompo, mipetraky mandrakizay." Izay gny vaovao mahafaly zay nambara taminareo.