¹ Bufugu butomo bulebe Sabbata mu gipwili Madiyi ande Madiyi wu bulu lu Magadala, luba gie gu maluumu, ² baya baga mudoyo badogolo, wanzio wu Nzaama wubwanzana. Maana buma nigagana bufugu beene. ³ Gamonoga nga misieme mi mvulu, milele minde mpembi nga mvulu yi midoyo. ⁴ Baada badala maluumu bagele nga bifa-ngaama gisini boomo. ⁵ Wanzio galeele bakaada bana ni: Guwogu boomo lowo, ⁶ Yesu wunusaga, wuwusugu mu lufa, nga bugadodo; yanwadala gihene gigele. ⁷ Ndanwabaleele balongo ni wuwusugu mu lufa; wuyanuzili gu Ngalili. Nwena wanagana ndegunu. ⁸ Bakaada bagele tomo mu boomo, gungoyo lubasangaga; bamonabuna ⁹ Yesu wutubadugeene ni: Mbodabini! Lubafuga-mana ya mili minde. ¹⁰ Nde ni: Guwugu boo-mo lowo; dwalaana paana gu bulu. Twayamo-naganaana gu Ngalili. ¹¹ Biwi yana mu nzili, basuda bana badala maluumu, bamoso lubadwala paana gugele bamfumu babanganga-Nzaama, ¹² asi biwi mu kebe ga gimvugu gibasele lubabawe kaga nzimi yivulu ni: ¹³ Gwada bunu lowo, dodana ni luduyama, balongogo baana lubayamuwibi. ¹⁴ Ni mfuma-maana wumawugu, butwa nun-waneene; ¹⁵ basuda lubasene nzimi, lubalebe ndaga yini; asi paana yini yiyalagana mu kebe gabayudu tii lolabubu. ¹⁶ Balongogo lubagie gu Ngalili tii ya musele wubalese Yesu, lubamumono, lubafugamana, ¹⁷ asi bamoso bagele mu mamede. ¹⁸ Yesu lugaya besaganabiwi, gabaleelabubu: "Gimfumu gigiosogo agi gu miogo mimeeme gugele gu tala, gugele yata maana. ¹⁹ Nda-nwa gidili baada babosogo mu gisi balongogo bameeme, nubabodogo mu kuuma-Dawa, mu kuuma-Mwana ande mu kuuma-Muhunga-Nzaama. ²⁰ Nubalongo mapaana mamosogo mayinulo-ngo; ngwigi ande bini tii mu bufugu bunsugu.