¹ Lumenese Yesu gudodo, galeele balongogo baana ni nuyaba ni fedi lu Pagi lubesagana ² gumasala mafugu moolo, Mwana-muudu bu mudega, bamuzwaya yatala kulunsi. ³ Bamfumu babanganga-Nzaama ande bam-budu babulu lubaya wanagana gu nzo yi Kaifi , mfuma-banganga-Nzaama ⁴ basaga mpili yi gugama Yesu, baada bakono guyabeene ⁵ gu-kono gugala mu bufugu bu fedi ni lowo baada bini dodo guvulu. ⁶ Yesu gagele wudiaya mu nzo-Simoni wubele lebele ya Bedani; mukaada wumoso lugaya mudiageene maasa mansungu matala yivulu yata-mudwe. ⁷ Balongogo ni mutulakiwi ga-mabebeseene maasa mana? ⁸ Dukamadege mu tala yivulu, nga dumasalasa bansukami! ⁹ Yesu ni bini pasi nuyamono yikiwi? ¹⁰ Mukaada wuwu lowo gamasala gubiyi! Ga-masala nkudu pimi, bini nwigi daanga lulwo-sogo ande bansukami, asi meme galowo yige-le hoso daanga ande bini. ¹¹ Mukaada wuwu gamasala pimi. ¹² Gumusomo bihen bibiosogo bibini longaga Musomo wu Pimi mu gisi gi mutsini, bubini dangaaga kuma-mukaada wuwu. ¹³ Yudu Isi-kaliodo lugaya saga bamfumu babanganga-Nzaama, gabawufulu ni kinupaya ni yitunu degene Yesu? ¹⁴ Bamuwe nzimi bibende magumu madede; ¹⁵ lugasaga mpili yigumudimini. ¹⁶ Mu bufu-gu butomo bu mampa makono mweme, balongogo ni Mfumu gunu dusala fedi lu Pagi? ¹⁷ Yesu lugabadumusu gu bulu lulunene ¹⁸ gugele muudu wumoso ni Mfumu gama-dodo abubu: Daanga lumeeme lubesagana, ngwiyadi fedi lu Pagi gu nzwaga meeme ande balongogo bameeme. ²⁰ Lubagie, bale se ndebunu bugabaleele. Lubadiaya mu gingwese, Yesu i wumoso mu kbe gabini bu gatega. ²¹ Lubawugu kiene, biwi ni Mfumu nawunu? bawufula wumoso wumoso ni: Mfumu meeme? ²² Nde ni wunu wusaya googo nzili moso ande meeme mu longo; ndewunu wutega. ²³ Mwana-muudu bu gena nga bubasonogo asi pasi gugele wunu wumudega; pimi gakono gwana gubudugu. ²⁴ Yudu ni: Mfumu meeme? ²⁵ Yesu ni nzege wumadodo. ²⁶ Yesu lugaseene lumpa, lugasameene, lugamana giese, lugabagabeene ni diana, lulu lugele luudu lumeeme. ²⁷ Lugaseene gobo, lugasameene, lugabawe ni nwana bini babosogo, maama matsili ma-meeme maguwugagana gufini mamadiagaga ²⁸ mutulu guwululu masumu ma baada babo-sogo, ²⁹ Gumusomo meeeme lowo ngini bisa-nwa vini tii lungini nwa vini lufini ande bini mu Gimfumu gi Dawa. ³⁰ Lubamenese gubigi, lubabanaga gu musele. ³¹ Yesu ni pibi yilolo yigala yi gunubwisi bini mu masumu mutulu basonogo ni ngini bulu mudisi-bambisi, mameeme bumini pasagana. ³² Lungini wusugu mu lufa nwini ymbaga yidedegeene gu Ngalili. ³³ Asi Piele ni lowo yigala nzili yi gumbwisi meeme mu musumu dodo ni babamoso. ³⁴ Yesu ni gumusomo kaga ni pibi ndeyiyi nsusu gagala loyana gugogolo nze wunanga meeme mbala dede. ³⁵ Piele ni si gufa meeme ifaya ande nze; babosogo se lubalangasa nde-bunu. ³⁶ Yesu lugayasaama gu Ngetesemane ande Piele ande baana boolo ba Zebedai. ³⁷ gawu-ga boomo ande kiene lugabalelee ni ³⁸ bini salaana yaya nusaamaga, meeme se yimasaa-ma gandanda, mudima-meeme wuyamono pasi yi lufa. ³⁹ Lugapusu ndebuna, lugabulusu gusaama mbunzu mu maana ni Dawa, ni wumazolo digisi gobo lulu, kono gulunwa; asi kaalaba luzolo lumeeme, laba lunu lunze. ⁴⁰ Lugaya-fudugu, gayabaga balongogo bayama. Nde ni Piele lowo numasala si daanga mu gusaama ande meeme. ⁴¹ Gebaana, saamaana ni lowo nubwaya mu masumu. Muhungu wugele ngolo asi luudu ngolo lowo galwiyi. ⁴² Lugabisa saama mbala yiyoolo ni Dawa, digisi gobo lulu ni wumazolo, asi sala luzolo lunze, lowo ni lumeeme. ⁴³ Gabisa yababaga gu dolo. ⁴⁴ Lugabisa basisi, lugaya bisa saama mbala yidede gadodo gifa gimoso. ⁴⁵ Lugabesagana ande biwi gabaleele ni nwigi kaga gu dolo? Hululugana, dalaana daanga lumagugu. ⁴⁶ Wunu wuyatege wumabesaga-na, Mwana-muudu lubaya mudimini gu miogo mi baada ba masumu. Bini nimigaana. ⁴⁷ Lugaya dodabunu, mbal'mso Yudu lugadulu ande gibwili ginene gi baada badumusu bamfumu babanganga-Nzaama ande bambudu babulu ande midi gu miogo ande mambeese. ⁴⁸ Yudu gabaleele ni nwini gama wunu wungini wa besi. ⁴⁹ Mbal'moso nde ni mbodo Longi, lugamuwe besi; lubabesagana lubamugeme. ⁵⁰ Yesu ni mbayi, sala giwumaya sala. Lubageme Yesu. ⁵¹ Asi muudu wumoso wugele ande Yesu lu-gagiese tswi lu muuda-gisala wumoso wu banganga-Nzaama. ⁵² Yesu ni fudulu mbesa-aga mu giswama; yabeene ni wunu wunwana-ga gu mbese gafaga se gu mbese. ⁵³ Ni mee-me ndomaaga Dawa gibwigi gi basuda mu kebe ga bawanzio, lulu nga lowo luguduulu? ⁵⁴ Abunu maguga mana mabasonogo? ⁵⁵ Yesu galeele baada ni numaya ande midi ande mambeese nga bini numaya gama mwibi; Meemee ga yigaala ande bini hoso bufugu mu nzo-Nzaama, lo nusala kama. ⁵⁶ Mama gugu ndebunu masonogo mibigili. Balongogo babosogo lubamudini. ⁵⁷ Lubamudwala gu nzo-Kaifi, mfuma-banga-nga-Nzaama gugele balongoga-misigi ande bambudu babulu. ⁵⁸ Piele se bugawingini wulaba budiga mapaana. ⁵⁹ Basaga gimbangi gi bupala mutulu guzwa Yesu, ⁶⁰ asi lowo basala mono si gimi. ⁶¹ Baada boolo badodo ni muudu wunu gado-do ni nde gini bubulu nzo-Nzaama, gungoya mafugu madede wutuyinimisi. ⁶² Mfuma-banganga-Nzaama lugamuwufulu ni kiwuyadodo? baada baba bayagufunu. Ndaga logwaga? ⁶³ Asi Yesu lo gasi si ndaga. Nde ni duleele ni gumusomo nze wugele Klis-to, mwana-Nzaama. ⁶⁴ Yesu ni nzege wuma-dodabunu. Bu nwini mono Mwana-muudu wu-bwanzana ya gogo lugidada mu Gimfumu gi Nzaama wiyagulumugu mu madudu. ⁶⁵ Mfuma-banganga-Nzaama lugapaga milele ni wumadugu Nzaama; ki se nuyasaga? ⁶⁶ Ki numamono? Biwi ni: "Gafi kaga". ⁶⁷ Lubabulusu gumulogoleene made ande gumubulu mambada ande makofi; ⁶⁸ bamu-loma ni gabigili ni nawa wutumubulu. ⁶⁹ Mukaada wumoso wumono Piele yanzie ni nze se bu wugele ande Yesu, mwisi Ngalili. ⁷⁰ Asi Piele ni lowo gwama, loyimayaba kiwi wuyadodo. ⁷¹ Yanzie mukaada wumbana lugamono nde ni muudu wuwu bu galgele se ande Yesu mwisi Nazaleti, ndagande se yifanagana ande yinde. ⁷² Piele lugabisa nanga gwana ni yimu-yabaga gwama muudu wunu. ⁷³ Bana bagele yanzie lubabesagana yagele Piele lubamuleele ni gumusomo nze wugele wumoso mu kebe ga baada bana; ndaganze yigufuna. ⁷⁴ Piele lugalala Nzaama ni meeme yimuyabaga muudu wunu. ⁷⁵ Tama lowo nsusu lugagogolo. Piele lugawibigi bumuleele Yesu ni wini nanga meeme mbal dede, yana nsusu loo yana gugogolo. Lugadugu wena dili.