¹ Jidi, nsadi e Yezu Kristu, otwung o Zaki, nd'avear aviewo aman a nsia na Tea Nzeam, ye emiwumwo djwa na Yezu Kristu. ² Ngiy, ngema ti oliang oyi ensign la gnu. ³ Mon e nsia, akikime biu lonfugnagni djwa la evuk esu ne kimvuka. Alomiwo mofugnagni djwa n'onsiamisagni na ndwa mbeagni i kieleka djwa la lukwikilu eyisapeawo wandimi otshwag ntshie. ⁴ Ognang eli l'avear amishwe le kati egnu l'oziy. Eli avear ayisonwo djwa wavi ndola -avear akwon lukwikilu mpi aletshimi ngrasia e Nzeam na mpuy i idjung mpi alesan longi ti nkum esu k'emog, Yezu Kristu. ⁵ Opean, nde na mfunu onkanagni (ata oyajiagni inkum), Nzeam avugnde mbala emok okuwo omog n'Ezipiti; kansi le mbiy ewo adjagnde avear akakwikilaka. ⁶ Ye mpi wabanzio ayikawum ekub ewo mpe ayisasugni endi eyipierikiwo (Nzeam amawum otshwag n'eshing ti ne mpib djwa na ewu eshu e nsuka). ⁷ Eli kesi Sodomo nda Gomoro ti mpi via enen e munziunga, eyisadiliki k'otshia o kinduma mpi eyidjiki wampuy ipwo. Via inagni imikum mbanu kibeni djwi la avear ayen mpay i ndola i tshia e mwe na mvwe. ⁸ Oshin omog, avear oyang anagni walepiy djung i wo; waletun ankum awo ye mpi waletubi vi oyang djwi la avear a nkemo. ⁹ Ata Arkanzi Mikayel tangu elwikinde nda diabulu ti eyishinde na nde djwi la djung i Moyize, akakug ntuba vi apwo na nde, kansi atubinde ngean: ''Sianga Nzeam ndemie ognangi ! ". ¹⁰ Kansi avear anagni waletwi vim ankum apijiawo. Ye mpi vim ajiawo - vim ejia wagnam na ngindu djwa kakuwo la wagni-, eli vim eladjag. ¹¹ Mpay i wo ! Djwa watidjie mbug eyi dji Kayinu ye mpi wamilog l'ipwo eyiki Balam djwi la mpuy ekr. Awiwo ntangu e rebelio e okir o Koreya. ¹² Eli ipwo ili le feti isu i bulingu. Wakie akagn, wala wagnwa nkatu na ngiug nsogni, wala ko djwa na nshira mpuy i djung. Wali mafuba imikwon vay, mpi elevari opepe etay enkum. Wali eshung e nsungi e mvwe emikwon ngwur mbuma (emiwa mpi emipfunawo mbala ipe). ¹³ Oshin o mbonge i vay anen etsantombokawo mpe etsampurwo efuu, oshin omog vear anagni atsampurwo wemie vi awo a nsogni. Wali kesi vwer imiyungana mpe emisashugniwo le mpib djwi la mvwe na mvwe. ¹⁴ Enoki, eyi wur ishambia l'okwo yum Adamu, abikulinde ngean djwa na wo : " Lir Nkum atiyia la wasantu inde awugu na awugu. ¹⁵ Aleye ognang na mbag ewu e vear ankum. Aleye djwi na mpum ewu e vear ankum apwo djwi la vi apwo ayikiwo n'oshin opwo ye mpi djwi la itubatuba inkum eyitubi empagn djwi la nde." ¹⁶ Wali vear atsagnie igniegnie mpe alebokuti , ye mpi aledji mpuy ipwo. Wali vear omwong etsandeang to etsambondila avear amu ko djwi na nding iwuo iwo. ¹⁷ Kansi gnu, aman a nsia, kanagni otuba to along ayilong wantumwa i Nkum esu Yezu Kristu ne ntshu imileg. Okabagniwo ngean: ¹⁸ "Ne ntangu ensuka ayayiawo la vear ayoywagni etwo mpe eyasadjie ko mpuy iwo i djung." ¹⁹ Avear anagni walenami avear. Wali avear a buu ye mpi kakuwo na mpeve e Nzeam. ²⁰ Kansi gnu, aman a nsia, twungagni gnemie luzingu egnu le ti e lukwikilu e busantu ye mpi samagni Nzeam la biu e Mpeve Santu. ²¹ Pieragni le ti e ngagn e Nzeam mpi kwungagni ndolula e Yezu Kristu, Nkum esu elojiagni luzingu e mvwe na mvwe. ²² Yiagni vear a ndolula etay avear atsug esiy. ²³ Vugagni avear amu n'oshin esapurgnu le tshia. Etay e vear amu, yiagni na ndolula ti wom. Tunagni ata ileam imita mbin djwi la masumu i mpuy i djung. ²⁴ Ntangu opean, na nde wur ekug n'ongwumagni na nkwon ndog, mpi na nde wur ekug n'omvaragni wuo na kiese ne nteang elung ende e nkembo, ²⁵ na nde ndemie Nzeam e Ngulusi esu, ne dzin i Yezu Kristu, Nkum esu, nkembo, onen, ekub ti biu eyi na nde, lii, lwo ene, ti mvwe na mvwe. Amene.