¹ Insur, a Gaius, amana me ansiya eleang me eviavi. ² Amana me ansi ya, vime liang me owongagni n'evi ya nkum, mpi oyagni na bio n'edjung, otchin emi wong moyo eye. ³ Nti yuo too n'osiang ntang emiya atwunga su waya nkab viya woo djwi na'ye,ti ekien ye ewo. ⁴ Kako osiang onene eleng emiyug me amana me wekiene, n'ekiene woo, epeya kiese. ⁵ Moneme ensiya oki woo, na atwung aye ti wa angi ngien. ⁶ Etubi woo n'etshia e woo, ekieye ne nteang evure Nziam. Aya kiye woo na nsadisa n'embug eletshu woo n'enteang Nziam. ⁷ Djwi eli n'edjin e Yezu Kristo emi kien woo, waka veyi vime mok eyim etayi ompagn. ⁸ Si fwete nzama aviara otshino nagn djwi si yi sankuma ondag omok djwi na viavi. ⁹ Nti fugn imono nkian n'evure Nziam; kansi Diotrephe, eleang nzia wure nteang ne kati ewo, atun na nzama sug. ¹⁰ Kangign yug ndign onzenagni asikaname viya leki nde, no tchin etuba nde vii apwo; kaku sug na kiese,apiyami atwung, aviara m'eka na nkie a la pum, a la kuma n'evure Nziam. ¹¹ Amana me nsiya oya djagni viya epwo kansi viya woo. Wure ekie viya woo ali e Nziam; ekie viya pwo atoyen Nziam. ¹² Sankum, ti viavi ndemien si tuba vii awoo djwi la Demitruis; sug mpi siya tuba viya woo, mpi ayajiagni viya tuba sug eli viavi. ¹³ Ayame na vii mingi onfugna ye, kaku mpila efugn me n'ekayi mpi vayi onkiana. ¹⁴ Ndi na nfunu onzen eviang,situbi n'odjum mi moyug. ¹⁵ Siang etura mpio eyi na yie. Iwur wo pea mbea.