¹ पावल, परमेश्‍वरको इच्छाद्वारा येशू ख्रीष्‍टको एक प्रेरितबाट एफिससमा भएका परमेश्‍वरका पवित्र जनहरु, जो ख्रीष्‍ट येशूमा विश्‍वासयोग्य छन्। ² परमेश्‍वर हाम्रा पिता र प्रभु येशू ख्रीष्‍टबाट तिमीहरूलाई अनुग्रह र शान्ति । ³ परमेश्‍वर र हाम्रा प्रभु येशू ख्रीष्‍टका पिताको प्रशंसा होस्, जसले हामीलाई हर प्रकारको आत्मिक आशिषले ख्रीष्‍टमा स्वर्गीय स्थानहरूमा आशिषित पार्नुभएकोछ । ⁴ परमेश्‍वरले हामीलाई उहाँमा संसारको सुरुदेखि नेे चुन्‍नुभयो, ताकि उहाँको प्रेमीलो दृष्टिमा हामी पवित्र र दोषरहित हुन सकौ । ⁵ परमेश्‍वरले हामीलाई पूर्णनिर्धारण गर्नुभयो, ताकि उहाँको असल योजनाको प्रसन्नता अनुसार येशू द्वारा आफ्नै निज पुत्रहरूका रूपमा ग्रहण गरुन् । ⁶ उहाँले हामीलाई ग्रहण गर्नु भएकोले उहाँको प्रशंसा हुनुपर्छ किनकी उहाँले आफ्नो महिमीत अनुग्रहमा हामीलाई उहाँले प्रेम गनुहुनेमा सित्तैमा दिनु भएको छ। ⁷ उहाँको अपार अनुग्रहद्वारा येशू प्रभूमा हामीले उहाँको रगतद्वारा छुटकारा अनि पापको क्षमा पाउदछौँ । ⁸ पुरा बुद्धि र बुझाईको पूर्णतामा उहाँले प्रश‍स्त मात्रामा यो अनुग्रहचाहिँ हामीलाई दिनुभयो। ⁹ परमेश्‍वरले हामीलाई आफ्नो इच्छा अनुसारका रहस्यहरु, जस्द्बारा उहाँ प्रसन्न हुनुहुन्छ, ख्रीष्‍टमा उहाँले प्रकट गर्नुभयो, ¹⁰ उहाँको योजनाको प्रकाशको लागी पूर्णताको समयमा ,सबै थोकलाई एक साथ ल्याउन, स्वर्ग र पृथ्वीका सबै थोक र ख्रीष्‍टलाईपनि, एउटेे शिर मुनि एक साथ ल्याउनुहुनेछ । ¹¹ ख्रीष्‍टमा हामीलाई उत्तराधिकार दिइएको , पूर्वनिर्धारित गरिएको सबै कुरा आफ्नो इच्छा अनुसार गर्नुहुनेको योजनामा हामी अगिबाटै चुनिएका थियौं । ¹² परमेश्‍वरले हामीलाई उत्तराधिकार हुन नियुक्त गर्नुभयो ताकि हामी, जो ख्रीष्‍टमा आशा राख्‍ने पहिलो व्‍यक्तिहरू, उहाँको महिमाको प्रशंसाको निम्ति रहन सकौं। ¹³ ख्रीष्‍टमा, तिमीहरूले पनि, जब सत्य वचन सुनेका थियोे, तिमीहरूको छुट्काराको सुसमाचार, उहाँमा नै तिमीहरूले विश्‍वास गरेका छौ र प्रतिज्ञा सहितको पवित्र आत्माको छाप लगाइएका थियौ । ¹⁴ हामीले हाम्रो उत्तराधिकार प्राप्‍त नगरून्जेल सम्म पवित्र आत्मा हाम्रो उत्तराधिकारको निश्‍चयताको प्रमाण हुनुहुन्छ । यो उहाँको महिमाको प्रशंसाको लागि हो । ¹⁵ यसकारण, प्रभु येशू ख्रीष्‍टमा भएको तिमीहरूको विश्‍वासको बारेमा र उहाँको पवित्र जनहरुका लागि तिमीहरूको प्रेमको सम्बन्धमा मैले सुनेको समयदेखि, ¹⁶ मैले तिमीहरूको लागि परमेश्‍वरमा धन्यवाद दिन र मेरो प्रार्थनामा तिमीहरूलाई सम्झिन रोकेको छैन । ¹⁷ म यो प्रार्थना गर्छु, कि हाम्रा प्रभु येशू ख्रीष्‍टका परमेश्‍वर, महिमाका पिताले तिमीहरूलाई बुद्धिको आत्मा र उहाँको ज्ञानको प्रकाश दिऊन् । ¹⁸ म यो प्रार्थना गर्छु, कि तिमीहरूका हृदयका आँखाहरू प्रज्वलित होऊन्, कि बोलावटको निश्‍चयता के हो भनेर जान्‍न र उहाँको पवित्र जनहरुको बीचमा उहाँको उत्तराधिकारको महिमाको प्रशस्तता के हो सो तिमीहरूले जान्‍न सक । ¹⁹ मेरो प्रार्थनामा म यो माग्छु कि उहाँमा विश्‍वास गर्नेहरूप्रति उहाँको अतुलनीय शक्तिको अत्याधिक महान‍्‌ताको विषयमा तिमीहरूले जान्‍न सक, यो उहाँको शक्तिको तीव्रताको कार्य अनुसारको हो । ²⁰ यो त्यही शक्ति हो जसद्वारा परमेश्‍वरले ख्रीष्‍टमा काम गर्नुभयो जब उहाँले ख्रीष्‍टलाई मृत्‍युबाट जीवित पार्नुभयो र स्वर्गीय स्थानहरूमा उहाँको दाहिने बाहुलीमा उहाँलाई बसाल्नुभयो। ²¹ उहाँले येशूलाई सबै शासन र अधिकार, शक्ति र प्रभुत्त्वहरू र हरेक नामभन्दा माथि राख्‍नुभयो । यस युगको लागि मात्र होइन, तर आउने युगको लागि पनि ख्रीष्‍टले राज्य गर्छन् । ²² परमेश्‍वरले सबै कुराहरू येशू ख्रीष्‍टको पाउमा सुम्पनुभयो र उहाँलाई नै मण्डलीमा सबै कुराहरू माथि शिर बनाउनुभयो। ²³ मण्डली उहाँको शरीर हो, जो उहाँको पूर्णतामा सबै तरिकामा सबै कुरामा पूर्ण हुन्दछ।