¹ Polu yi ntumua yi Yesu Klistu, mu lutumu lu Nzambi, bonsu buena luzolu lu Nzambi, landila lutumu lua luzingu luena u Klistu Yesu. ² Kua Timoti, muana amu wa luzolu : bika nlemfu, nkenda ye luvuvamu wutambula bio mu Nzambi tata ye mu Klistu Yesu Mfumu etu. ³ Bonsu ya tomma ku lutuma mu kusala tekila monu ngienda ku Maseduani, sala ku Efesi, mpasi nde ngeyi wutuma ku bantu bankaka mpasi nde baba longa lukuikulu lua suasana ku. ⁴ Kansi lusala keba, ka muyindula nsangu ye nsonokonu ku Kazisuki zi mvila zi tukisanga mpaka u makanda makondolu nsuka. Mana masosanga paka, yoyana avo lutuadisa mambu ma Nzambi yuna wuna muna moyu. ⁵ Buna, mbuta diambu di ntumunu, zola kuna kutukanga muna ntima wu mboti, ye luzolu lumboti, ye minu kikiedika. ⁶ Bantu bankaka bayulumuna masonga ye ba baluka mu kusala mambu ma mpamba-mpamba. ⁷ Bazola bakala nlongi mi mi nsiku, kansi kaba bakisangaku ma bagoganga ye mu nki diambu bazodilanga buna. ⁸ Kansi tuzeyi nsiku wu mboti wutu sadidi mawu muna nsadulu yi mboti kibeni. ⁹ Ye tuzeyi bu : nsiku kawu salama mu diambu di muntu wulunga ku, kansi ku bana kabalandaku ye sadila miawu, ye bankua masumu, ye bana kabasadilanga Nzambi ku. Nsiku wusalama ku bana bagondanga batata bawu ye ngudi zawu ku lufua. ¹⁰ Ku bankua kindumba ye ba bakuelasananga, ye ba ba katulanga bantu mukusa nde bakala nsadi miawu, ku bankua luvunu, ku baba tanga kimbangi ki luvunu, ye babena nde kabazolanga kulanda nsiku ku. ¹¹ Nsiku gogu wuna kuani bonsu masonama ma nlongu ma tata Nzambi ye kuna sa kukala mfumu yi miawu. ¹² Ntonda zifuana ku Yesu Klistu, wungana ngolu mudiambu wumbona wu mboti ye wunsa musala salu kiani. ¹³ Yika mvuezi ye ngangi mambu mambi, Kansi yimona nlemfu mudiambu yi goga muna kuzaya ku lunungu. ¹⁴ Kansi luzolu lu mvulusi etu lukulumuka kibeni muna zola ku mfumu etu Yesu Klistu. ¹⁵ Mambu momu mena mamboti ye lukuikulu lu mvimba nde Yesu wuyisa mu nza mu wulusa bansumuki. Ngina wumbi mu mavanga mamu. ¹⁶ Kansi mudiambu dina, yibaka lunumgu, ye mu munu, mbuta, Yesu Klistu wusonga mvibudulu ami. Wugangila buna bonsu mbandu ku ba bakuikila muna luzingu luawu lu mvimba. ¹⁷ Bungangi, mfumu mvu kafuaku, kamonikaku, yani mosi Nzambi, wuna lunungu lu mvu ye mvu. ¹⁸ Nsidi nsiku miomio ku ntuala ngeyi, Timoti, muana munu. Go ngangidi bobu, mudiambu di mbikudulu zisala mudiambu di ngeyi, musa nde wukigana muna mvita yi mboti. ¹⁹ Gangila buna musa nde wubaka lunungu. Bankaka balosa mamboti ku lunungu. ²⁰ Bonsu buna yimeni ye Alekizandi, ba yigana ku satana mu sa nde balonga mambu ma Nzambi.