¹ Obwami bw'empingu nji bwashusha babikir'ekumi barholag'amatara gabo mpu babugane muhya mulume. ² Barhano babo baliri bahwinja na barhano baliri benge. ³ Abahwinja barhol'amatara gabo barharholag'ebitoroli; ⁴ alik' abenge barhol'amatara n'ebitoroli. ⁵ Muhya mulume abere alegama boshi basindagana balyama. ⁶ Omu garhi k'obudufu habolwamo; Tala muhya mulume muji muyakira!

⁷ Abo banyere bazuka, barheganya amatara gabo. ⁸ Abahwinja babwira abenge, murhuhe oku mavurha, bulala amatara gerhu gazimire.

⁹ Abenge bashuza: Nanga, garhali ganene ga karhuyenera nenyu, mugende emwa barhimbuzi, muchigulire. ¹⁰ Babere bagenda kungula, muhya mulume ayinja; balala bachirheganyize baj'omunju y'obuhya, olunvi lwachingwa.

¹¹ Buzinda bala bandi babikira bayinja baderha: Nahano, Nahano, orhuchingulire.

¹² aliko ashubiza: Okuli mbabwire, ntabayinji. ¹³ Muyirize bulala murhenji olusiku n'akachanji.

¹⁴ Bulala nji byaba nka mulume muguma wabalamag'ahamagal' abakozi bage bah'ebikulo byage. ¹⁵ Aha muguma Talanta erhano, owindi ebiri n'owagasharhu nguma ngasi muguma oku buhashe bwage agenda. ¹⁶ Hon'aho wahabwag'erhano agenda azichuruza ayunguka zindi erhano. ¹⁷ Konoko owahabwaga ebiri azichuruza abona zindi ebiri. ¹⁸ Olala wahabwaga nguma ahumb'edaho abisha mwe talanta ya Nahano. ¹⁹ Enyuma wa siku zinene Nahamwabo agaluka, akol'oluganjo haguma nabo. ²⁰ Owahabwaga talant' erhano ayinj'aherhe zind'erhano, aderha: tala nayungukire zindi erhano.

²¹ Nahono amubwira kwinja mukozi mwinja mwemezi: waliri mwemezi oku bigeke; naguha binene; Oj'omu bushagaluke bwa Nahamwenyu.

²² Owahabwaga talant' ebiri ayinja, aderha: Nahano, Wampaga talanta ebiri nayungukire zindi ebiri.

²³ Nahamwabo amubwira: bwinja, mukozi mwinja w'omwemezi: waliri mwemezi oku bigeke. naguha binene; oj'omushagaluke bwa Nahamwenyu.

²⁴ Owahabwaga Talanta nguma yonine ayinj'aderha: Nahano, nakubwen'okoba muntu mudarhi, onashalul'ahorharhweraga, onalund'ahorhashandazaga; ²⁵ nayubaha, najibish'etalanta yawe omu budaka; rhol'ebiri byawe.

²⁶ Aliko Nahamwabo amubwira: mukozi mubi w'omolokazi, wamany'oku nashalul' ahantarhweraga n'oku lund' ahantashandazaga; ²⁷ Byali guhunir'okuheb'etalanta yani oku bahinduzi b'efuranga, eri ngaluka nanarhol'olwani n'obunguke. ²⁸ Mumunyeg'eyo talanta, muyiherez'oherh'ekumi. ²⁹ Buno bah'ogwerhe, anaba na binene, alik'orhaherhe bamunyege n'echaherhe. ³⁰ N'oyo mukozi arhagwerhe kamaro, mumukwebe omumuzimya gw'embuga, eyo kwaba kulaka n'okuhekeny'amenyo.

³¹ Amango mwen'omuntu ayinj'omubukuze bwage na bamalayika boshi, nj'ayikala oku ntembe yage y'obukuze. ³² Amahanga goshi nja mahira hagum'embere zage nj'agabanya kul'omungere agabany'ebibuzi n'empene. ³³ Nj'ahir'ebibuzi oku malyo, n'empene oku malembe. ³⁴ Mwami nj'abwir'abali oku malyo: Muyinje mwe mwagishirwe na Darha; muyim'omubwami mwarheganyizwaga kurheng'okulemwa kw'egulu. ³⁵ Buno nali shali mwampa ebinalya; naliri nyorha mwamp'echokunywa; naliri muhisi mwanyegereza. ³⁶ Naliri butambara, mwanyambisa; naliri mulwala, mwayinji ndola, naliri mushwekwa, mwanshegerera.

³⁷ Abenja nji bamushubiza: Nahano, mangochi rhwakubonag'oshalikire, rhwaguh'ebyokulya; olinyorha rhwakunywesa? ³⁸ Mangochi rhwakubonaga muhisi rhwa kuyegereza; butambara rhwakuyambisa? ³⁹ Mangochi rhwakubonaga mulwala, mushwekwa, rhwakushegerera?

⁴⁰ Na Mwami abashubiza mbabwirir'okuli, byoshi mwajirire balumuna bani badorho, nyimwajirire. ⁴¹ Buzinda nj'abwira bali omu kulembe; murheng'embere zani mwe mwakomerwe; muj'omu muliro gw'esiku n'amango gwarheganyizwe oku Lyangombe n'abazimu bage. ⁴² bulala naliri shali murhampag'eby'okulya; naliri nyorha murhanywesaga; ⁴³ naliri muhisi murhanyegerezaga; naliri butambara murhanyambisaga; naliri mulwala na mushwekwa, murhantangulaga.

⁴⁴ Nabo nji bashubiza: Nahano, mangochi rhwakubonaga oli shali, chag'oli nyorha, chango muhisi, chango butambara, changwa mulwala, changwa mushwekwa, rhurhana kurhabalaga?

⁴⁵ Nj'abashubiza: mbabwirir'okuli, amango goshi murharhabalag'aba badorho, nyono nyimurharhabalaga. ⁴⁶ Nabo nji baj'omu burhindibuke bw'esiku n'amango, aliko ab'okuli omu kalamo k'esiku n'amango.