¹ Yesu abere aburhwa e Betelehemu omu chihugo ch'e Buyahudi, omu mango ga mwami Herode, abanyabwenge barhengerera ebushoshokero bw'ezuba bahika e Yerusalemu, ² baderha: Ngahe mwami wa Bayahudi aburhirwe? Bulala rhwabwene enyenyezi yage ebushoshokero bw'ezuba, rhuyinjire kumu haramya. ³ Mwami Herode ayunvirhe ntyo agera mw'omusisi, n'abantu b'e Yerusalemu boshi haguma naye. ⁴ Ahamagala abakulu ba badahwa na bandisi b'abantu, abadosa lunda luhe Kristu aburhirweko. ⁵ Nabo bamubwira: Omu chihugo ch'e Buyahudi; bulala olole ebya yandikagwa n'omulebi:

⁷ Aho Herode ahamagala abanyabwenge oku bwibisho, n'oku badosereza bwinja amango enyenyezi ya bonekaga. ⁸ Abarhuma e'Betelehemu, ababwira: Mugendage mulonze bwenene emyazi yo y'omwana mudorho, hala mumubona mugaluke mubwire, nan'injeyo kumuharhamya. ⁹ Eyi bamala kuyunva emyazi ya mwami bagenda, hona hola ela nyenyezi babonag' ebushoshokero bw'ezuba ya bajir'embere, ya bageza h'omwana mudorho ali, ya yimanga. ¹⁰ Amango babonaga eyo nyenyezi basima bwenene. ¹¹ Baj'omunju, bashimana omwana mudorho haguma na nina Mariya, bamufukamira n'okumuharamya. Bashanula omuhako gwabo; n'oku murhulir'entulo ziri mw'amasholo (horo), enshangi n'obuku. ¹² Okuhandi, bahanulwa omu bilorho mpu bamanye, barhagerag'e mwa Herode, bachigalukira emwabo omuyindi njira.

¹³ Amango bagendaga, lolaga Malayika wa Nahano abonekera Yozefu omu bilorho, amubwira: Zuka, rhola omwana na nina, oyakire e Misiri, n'okumulemberayo kuhika amango na kubwira; bulala Herode ya lonza okuyirh'omwana. ¹⁴ Yozefu azuka omu budufu, arhola omwana na nina, balibirhira e Misiri. ¹⁵ Aberayo kuhika olufu lwa Herode, mpu ebi Nahano aderhaga kugerera omulebi bibe: Na hamagere omwana wani kurheng'e Misiri.

¹⁶ Eyi Herode abona kw'arhebekerwe na banyabwenge agaya bwenene n'okurhuma bayirhe orhubonjo rhoshi rhwa myaka ebiri kugera oku be shishi yaho abali e'Betelehemu n'omu chihugo chage choshi, kukulira na kashanji abanyabwenge ba mubwiraga. ¹⁷ Lero nk'oku byaderhwaga na Yeremiya, omulebi: ¹⁹ Amango Herode afa, Malayika wa Nahano abonekera Yozefu omu bilorho e Misiri, ²⁰ amubwira: Zuka, orhole omwana na nina, oje omu chihugo ch'e Israeli, bulala abalonza oku yirha omwana bafire. ²¹ Yozefu azuka, arhola omwana na nina n'okuja omu chihugo ch'e Israeli. ²² Aliko, ery'ayunva oku Arkelau ye yimire e Yudeya omu bwami bwa Herode eshe, ayubaha okujayo, bulala omu bilorho ahanulwa na Nyamuzinda, ayerekeza oku lunda lw'e Galilaya, ²³ n'oku lama omu chishagala chihamagalwa Nazareti, byahikirira ebya derhwaga n'abalebi: Mpu nja hamagalwa Munazareti.