¹ Ya re Jeso a feta, a bona monna yo tsejeng ka bohuhu. ² Barutwana ba gagwe ba mmojesa bare, ''Rabi, ke mang moetsa dibe, monna yo kana batswadi ba hae, gore a be a tsejwe ka bohuhu?'' ³ Jeso a hedola, ''Ho ne ho sa leoha monna yo, leha ele batswadi ba hae, mme ene ele hore ditiro tja modimo dite di bonahadiwe ho ena. ⁴ Re swaneje ho shoma meshomo ya hae yoo re romejeng mo lejajing. Moo lehihi le ta fitha ha go sena yo nyakang ho shoma. ⁵ Ha ke sanje ke le lefasheng, Ke lesedi ja lefashe.'' ⁶ Moraho ha Jeso a re tsibisa tje, a kgwela fashe, a duba seretse ka mathe, mme a mo tshasa methong. ⁷ A re ho ena, ''Sepela, thapa mo bodibeng jwa Siloame (mo phedolong ke hore: Morongwa).'' Mme monna a jamaya, thapa a lebelelega bonte. ⁸ Mabapi a monna le bao ba mmoneg ho le pele ele mokopi ba re, ''Ga se ena monna yo a neng a dula ka ho kopa?'' Bangwe ba re, ''Ke ena.'' ⁹ Bangwe ba re, No, mme tshwna le ena.'' Mme a re, ''Ke nna yo.'' ¹⁰ Bare ho yena, ''Jaanong ke eng matho a hao a bulehile?'' ¹¹ A hedola, ''Monna yoo bijwang go Jeso o ejije seretse mme a se beya mo methong ame mme a re, 'Jamaya o ye Siloame oye o thape,' Ka jamaya ka ya ho thapa, moo ka kgona ho bona.'' ¹² Bare ho ena, ''Okae?'' A hedola, ''Ha ke tsebe.' ¹³ Jalo ba tisitje monna yo o sa boneng ko Bafarasaing. ¹⁴ Moo e ne ele lejadji la Sabata leo Jeso a neng a etsa seretse a bula matho a sehohu. ¹⁵ Jalo Bafarasai ba mmojisa hore o bonye jang pono. A ba hedola a re, ''O beyile seretse mo methong ame, ka thapa, jalo kea bona.'' ¹⁶ Bangwe ba Bafarasai ba re, ''Monna yo ga a ghwe go Modimo ka go bo a sa tsheheje Sabata.'' Bangwe bare, ''Monna wa moeja libe a eja ntho tsa dikai tse bjang?'' Mme ga be hole kgaogano hare ho bona. ¹⁷ Mme ba bodjisa monna wa sehohu hape, ''O mmodije eng hae sale a bula matho a hao?'' Monna wa sehohu a re, ''Ke moporofeta.'' ¹⁸ Mme Bajuta ba ntse ga ba dumele ka ga ena gore e ne ele sehohu mme bona pono ho fitha batswadi ba hae ba bijwa. ¹⁹ Ba boja batsadi, ''a yo ke morwa oa lona yo go dweng o jejwe a houheje? Jaanong ka jeno?'' ²⁰ Bagolo ba araba ba re: ''Re tseba hela hore yo ke morwa wa rena le hore o jejwe a houheje. ²¹ Mme ga re tsebe ka ha a bonang ka teng; le ene yo o mo houholojeng ga re mo tsebe. Mo ipolejeng o godile otaa ikarabela.'' ²² Bagolo ba hae ba ne ba bua bjalo, ka ba ne ba boiha Bajuta; Bajuta ba ne ba seje ba dumanye hore ha mongwe a ka mo iponela hore ke keresete, a kgaolwe o Senanogeng. ²³ Ke hona baholo ba hae ba rileng: O godile mo ipolejeng.'' ²⁴ Jalo ba bija motho motho yoo neng a houheje mme ba re ho ena, ''Tota Modimo hela. Rona re ije hore monna yo ke moleohi.'' ²⁵ Mme monna yo a hedola a re, ''Ha ke itje ha ele moeja dibe. Sengwe se ke se tsebang: Ke ne ke sa bone, mme ka jeno kea bona.'' ²⁶ Ba mmoja bare, ''O go ho dihileng? O go houholoje jang matho?'' ²⁷ A ba hedola are, Ke le bodije, mme la seka la reeja! jalo le bata ho utwang hape? kana le bata ho nna barutwana ba hae, a le bata? ²⁸ Ba mo roha ba re, ''ke ena morutwa wa hae, mme re barutwanaa baha Moshe. ²⁹ Re tseba ho re Modimo o buile le Moshe, mme yo ga re tsebe hore otswa.'' ³⁰ Monna yo o a hedola a re, ''Ke se se hakgamajang, fa le sa tsebe hore o ghwa kae, mme o mphouholoje matho. ³¹ Le tseba hore Modimo ga a reeje ba eja dibe, mme ho mongwe a ineejeng ebile a etsa thato ya hae, ota a reediwa. ³² Sale lehatshe le thoma ke santha ke utwa ho twe mongwe o buje matho a monna. ³³ Ha monna yo a ne asa ghwe ho modimong, oka se etje sepe,'' ³⁴ Ba mo hedola ba re, ''Tota o jejwe mo baeja dibeng, moo oa re ruda?'' Mme ba mo lathela ko nte. ³⁵ Jeso a utwa gore ba mo latheje nte ga Senagoge. A mmona mme a mmoja are, ''A o dumela mo Morweng wa Monna?'' ³⁶ A hedola a re, ke mang, Morena, yo nka dulang ho ena?'' ³⁷ Jeso a re, ''Le mmone ebile ke ena yoa buang le lena,'' ³⁸ Monna a re, ''Morena, Ke a dumela'' ebile o mo obametje. ³⁹ Jeso a re, ''Ka letjatji la katholo ke ts ile mo lehatsheng le hore bao ba sa boneng ba te ba bone le hore ba ba bonang ba seka ba bona. ⁴⁰ Bangwe ba Bafarasai ba ba neng ba le hona ba utwa dilo tje mme ba mmotja, A le lona le dihohu?'' ⁴¹ Jeso a ba hedola a re, ''Ha lene le sa bone, le ne le sena dibe, jaanong la re, 'Lea bona,' Jaaong se setje.