¹ Tulus di Galacia, kinku n'gana bos? Anto mortu di Jesus Kristu ka staba klaru na bo udju? ² Es so ku m'misti punta bos: bo risibi Spititu pabia bo fasi ke ku lei fala o pabia bo fia na kil ku bo obi? ³ Asin ku bo tulu sin? Bo kumsa na Spiritu pa bo bin kabanta na karne? ⁴ Bo sufri tchiu pa nada? Pa kila tudu sedu amonton? ⁵ Kil ku da bos Spiritu, ki ta fasi garandi kusas na bo metadi, i ta fasil atraves di ke ku Lei fala o pabia bo fia na kil ku bo obi? ⁶ Suma ki Abron ´´fia na Deus i odjadu djustu´´, ⁷ sibi, di mesmu manera kuma, kilis ku fia na sedu fidjus di Abron. ⁸ Palavra falabadja kuma Deus na fasi djintius djustu pa fe, i kontabdja es bon noba pa Abron, I falal: ´´Na bu, ku tudu djintis di mundu na sedu bensuadu´´. ⁹ Des manera, tudu kilis ku fia sedu bensuadu djuntu ku Abron, omi di fe. ¹⁰ Ma tudu kil ku fasi kusas di manera ku Lei fala sta bas di maldison, pabia asin ki skribidu: ´´ Pa mal bin riba di kin ku ka manti bas di tudu kusas ku skribidu na livru di Lei´´. ¹¹ Gosi sta klaru kuma Deus ka ta fasi alguin djustu pabia i fasi kil ku Lei fala. Pabia ´´ Djustu pa vivi pa fe´´. ¹² Lei ka di fe, mas, m´bes di kila, ´´Kil ku ta fasi kusa ku Lei fala i ta vive pa El´´. ¹³ Kristu kaplintinu di maldison di Lei, I karganta Si kabesa no maldison, suma ki skribidu: ´´Maldison sta riba di kil alguin ku prinda na madera´´. ¹⁴ Pa benson di Abron pudi bin pa djintius ku sta na Kristu Jesus, de manera, pa fe no pudi risibi promesa di Spiritu. ¹⁵ Ermons, na bin papia suma pekadur. ainda ki kontratu sedu di pekadur, ninguin ka ta rapati nin buri kusa, um bias ki fitchaduja pa Lei. ¹⁶ Gosi, promesas fasidu pa Abron ku si fidju ki na bin dipus del. I ka faladu ´´pa fidjus´´, ku na rifiriba mangadel; ma, n'bes di kila, i pa un son-son ´´o si fidju´´ ku sedu Kristu. ¹⁷ Gosi, kil ku na fala i es: Lei, ku bin dipus ki pasa kuatrusentus i trinta anus, i ka disa di ladu kontratu ki fasidubaja pa Deus. ¹⁸ Pabia si erdansa ta bin di Lei, n'ton i ka ten mas promesa. Di tudu manera, Deus da eransa pa Abron atraves di promesa. ¹⁹ N'ton, ke ki Lei sirbi parel? El i buridu pabia di eros, tok i bin fidju di Abron kil fidju ku promesa rifiribaja. Lei karimbadu atraves di anju pa un kumpudur di kombersa. ²⁰ Ma, un kumpudir di kombersa i ka ta sedu mas di ki un alguin; portantu, Deus i un son. ²¹ N'ton, Lei sta kontra promesas di Deus? De nin un manera! Se i daduba Lei ki pudu da vida, sertamenti djustisa na bin ba atraves di Lei. ²² Ma Palavra prindi tudu kusas bas di pekadu. Deus des manera fasi pa promesa di salvason pa fe na Jesus Kristu pa i dadu pa kilis ku fia. ²³ Ma, antis di fe na Kristu bin, no staba prindidu i ijoladu bas di Lei, tok no mostradu fe. ²⁴ Asin, Lei bida no guia, tok ki Kristu bin,, pa no pudi odjadu djustu pabia di fe. ²⁵ Gosi ku fe bin, no kasta bas di un guiadur. ²⁶ Gosi abos tudu i fidjus di Deus, pa fe na Kristu Jesus. ²⁷ Abos tudu ku batizadu na Kristu bo bisti di Kristu. ²⁸ I ka tennin judeu nin gregu, nin katibu nin livri, nin omi nin midjer; pabia bo sedu tudu un son na Kristu Jesus. ²⁹ Si abos i di Kristu, n'ton, bo sedu fidjus di Abron, kilis ku na bin yarda suma ki promesa fala.