¹ Presbitiru pa sinhora ku kudjidu ku si fidjus, kil ku n'ama na bardadi, ku ka sedu so ami, mas tambi tudu kilis ku kunsi bardadi, ² pabia di bardadi ku sta n'tidu na nos i ku na sta ku nos pa sempri. ³ Fabur ku miserikordia i pas di parti di Deus Pape i di Jesus Kristu, Fidju di Deus, na sta ku nos na bardadi ku amor. ⁴ N'tene garandi kontentamentu manera ku n'odja alguns di bu fidjus na yanda na bardadi, na manera ku no risibi es mandamentu di Pape. ⁵ I gosi na pidiu, senhora, i ka suma n'kumsa na skribiu nan nobu mandamentu, ma i kil ku no tenebaja desdi kumsada: pa no ama n'nhutru. ⁶ I es ki amor: pa no vivi di akordu ki Si mandamentus. Es i mandamentu, suma ku bo obi disna di kumsada, i bo dibidi yanda nel. ⁷ Papia manga di n'ganaduris sai na mundu i eses ku kata fala kuma Jesus Kristu padidu na karne. Eses i n'ganadur ku antikristu. ⁸ Bo toma sintidu pa ka bo pirdi kusas ku anos tudu no tarbaja parel, ma pa bo pudi risibi bo pagamentu kompletu. ⁹ Kualker alguin ku adianta i ku ka fika n'tidu na n'sinamentu di Kristu, i ka tene Deus. Kil aguin ku fika n'tidu na n'sinamentu, i tene elis tudu dus, Pape ku Fidju. ¹⁰ Si alguin bin n'de bos i ka bin kes n'sinamentu, ka bo risibil na bo kasa i nin ka bo falal mantenha. ¹¹ Pabia kil ku falal mantenha sta na toma parti na kusas ki ta fasi ki ka bali. ¹² N'tene manga di kusas pa skribi bos, ma n'ka disdja fasil ku papel ku tinta. Ma n'tene speransa di kuma na bin jubi bos i la na papia ku bos rostu-ku-rostu, pa no alegria pudi kompleta. ¹³ Fidjus di bu ermon femia ku kudjidu manda bos mantenhas.