¹ Mi ting long yu olsem brata bilong mi,husait i bin dringim susu bilong mama bilong mi. Orait taim mi bungim yu autsait bai mi kis long yu na nogat man bai lukdaun long mi. ² Bai mi i go pas na kisim yu i go insait long haus bilong mama bilong mi, husait i bin skulim mi. Mi bai givim yu wain i pait long dring na sampela wara bilong pikinini diwai. ³ Em i putim han kais bilong em aninit long het bilong mi na han sut bilong em i holim pasim mi. ⁴ Mi laik.bai yupela ol pikinini meri bilong Jerusalem i tok promis olsem yupela bai ino inap mekim mitupela i kirap nogut taim mitupela i bungim bodi wantaim inap mitupela i pinisim laik. ⁵ Husat dispela man i kam long ples nating na i stap pas klostu long meri em i laikim tumas? ⁶ Putim mi olsem hap kapa bilong haitim bel bilong yu na olsem hap kapa bilong haitim han bilong yu, long wanem, laikim bilong mi i strong olsem dai. Kain strongpela tingting bilong mi i wankain olsem Siol, ples bilong ol man i dai pinis na lait bilong paia i save kam aut, i olsem paia i hat na i winim ol arapela paia. ⁷ Wara i pulap i no inap kilim i dai hangre bilong laikim o tait wara i no inap rausim i go. Sapos man i givim olgeta kago em i gat long haus na laikim meri, orait ol dispela kago bai i kamap samting nating. ⁸ Mipela i gat liklik susa, em i no kamap bikpela yet. Bai mipela mekim wanem long susa bilong mipela long dei, taim em i redi long marit? ⁹ Sapos em i olsem wanpela banis, mipela inap wokim tawa long silva antap long em. Sapos em i olsem dua, mipela inap bilasim em wantaim plang bilong diwai sida. ¹⁰ Mi bin i stap olsem banis, tasol nau susu bilong mi i stap olsem ol strongpela tawa. Mi lukim olsem em i gat bikpela laik long mi long mi ken kisim bel isi i kam.. ¹¹ Solomon i gat wain gaden long ples Bal Hamon. Em i givim wain gaden i go long ol lain inap lukautim. Wanwan bilong ol i mas kisim 1000 sekel silva moni long wanwan pikinini bilong diwai. ¹² Wain gaden bilong mi yet i stap long ai bilong mi na 1000 sekel, em i bilong yu Solomon na 200 sekel em bilong ol lain i lukautim pikinini bilong diwai. ¹³ Yupela ol lain husait i stap long gaden, ol lain mipela i save i stap wantaim i laik harim yupela i toktok, olsem na larim mi harim em. ¹⁴ Hariap, poro tru bilong mi, yu kamap olsem dia i gat longpela kom o olsem yangpela dia long maunten bilong switpela samting bilong ol kaikai.