¹ Pren yu save laikim tumas i go we, naispela meri tru namel long ol meri? Pren yu save laikim tumas i go long wanem hap, olsem na mipela i mas painim em wantaim yu? ² Man mi save laikim tumas i go daun long gaden bilong em, long bet bilong lip i gat gutpela smel na kaikai gras long gaden namel long ol plaua. ³ Mi bilong dispela meri i laikim mi tumas na meri husait i laikim mi tumas em bilong mi, em i kaikai gras namel long ol plaua wantaim amamas. ⁴ Yu naispela tru olsem Tirsa, pren mi laikim yu, naispela tru olsem Jerusalem, wankain olsem em i laikim tumas ami i gat ol gutpela laplap bilong em long bilas. ⁵ Yu noken lukim mi, long wanem yu lukluk long mi i mekim mi pundaun long yu. Gras bilong yu i olsem ol meme i bung na i go daun long maunten bilong Gilet. ⁶ Ol tit bilong yu i olsem ol meri meme i bung na kam antap long ples bilong waswas. Tupela sait tit i stap orait na nogat wanpela tit i lus namel long ol. ⁷ Wisket bilong yu i olsem ol hap prut pomegrenet i hait insait long laplap bilong haitim pes. ⁸ I gat 60 kwin na 80 em ol narapela meri bilong em na ol yangpela meri i planti tumas. ⁹ Waitpela pisin bilong mi, i nogat asua bilong yu, em yu tasol, em dispela wanpela pikinini meri tasol mama i gat, meri karim i save laikim em tumas. Ol yangpela meri i lukim em ol i save kolim em gutpela meri, ol kwin na narapela meri bilong en i lukim em, ol i save litimapim em. ¹⁰ "Em husait i kam kamap olsem lait, i naispela tru olsem mun na i lait wankain olsem san lait bikpela em i wankain olsem ol ami wantaim laplap bilong bilas?" ¹¹ Mi go daun long gaden i save karim ol prut long lukim kru bilong nupela diwai long ples daun na long lukim ol rop bai putim ol plaua bilong en, maski diwai bilong karim prut pomagrenet tu bai i op. ¹² Mi amamas tru taim mi pilim olsem mi sindaun long karis bilong pikinini man bilong king na i go. ¹³ Tanim bek na kam, tanim bek na kam, yu stretpela meri tru, tanim bek na kam, tanim bek na kam na bai mipela i ken lukim yu tasol.