1 God Yawe, yu God Yawe husat save bekim wanem pasin nogut man i mekim, yu soim yu yet kamap ples klia long mipela. 2 Kirap, Man bilong harim kot long olgeta hap bilong graun, givim ol lain bilong apim nem bilong ol yet wanem ol i laik mekim. 3 God Yawe, olsem wanem nau, bai yu weit yet na ol lain bai i amamas long pasin nogut? 4 Ol i mekim ol toktok bilong daunim narapela lain, ol i save apim ol yet long mekim ol pasin nogut. 5 God Yawe, ol i bagarapim ol manmeri bilong yu na givim bikpela hevi long kantri bilong yu. 6 Ol i kilim ol meri man bilong ol i dai pinis, lain bilong narapela ples husat i stap long dispela kantri, ol i kilim ol pikinini i nogat papa. 7 Ol i tok, "God Yawe bai i no inap lukim, God Yawe bilong Jekop i no kisim dispela samting." 8 Harim, yupela ol longlong manmeri, Yupela nogat tingting, wanem taim bai yupela lainim long kisim save. 9 Man, husat i mekim yau, yu ting em i no harim? Man, husat i kamapim ai em i no inap lukim? 10 Em husat i save stretim ol kantri, yu ting em i no inap long stretim? Em wanpela tasol i save givim save long man. 11 God Yawe i save long tingting bilong olgeta man, bai ol i pinis olsem sno. 12 Amamas bai i stap long man husat yu bin skulim em, God Yawe, husat yu bin lanim em long lo bilong yu. 13 Yu givim em malolo long taim bilong hevi, inap yu dikim hul bilong ol man i mekim pasin nogut. 14 God Yawe bai i no inap givim baksait long ol o lus tingting long ol. 15 Ol kot bai i kamap long stretpela lain na ol man bel bilong ol i gutpela bai i stap gut. 16 Husat bai i kirap na banisim mi long ol man nogut? Husat bai i sanap wantaim mi long rausim ol man nogut.? 17 Sapos God Yawe i bin helpim, bai mi redi long go daun long ples i nogat nois, 18 Taim mi tok, "Lek bilong mi i wel, "God Yawe, gutpela pasin bilong kontrak bilong yu i bin holim mi gut. 19 Taim mi gat planti wari, ol gutpela samting insait long yu i mekim mi amamas. 20 Sapos bikpela bagarap i laik daun yu, husat bai kisim lo i kam long yu? 21 Ol i pasim tok hait long kisim laip bilong ol stretpela man na sutim tok giaman long man i nogat asua i mas dai. 22 Tasol God Yawe i kamap stronpela banis, bilong mi na GodYawe i olsem ston bilong mi i ken hait long en. 23 Em bai i kamapim ples klia sin bilong ol yet na rausim ol wantaim pasin nogut.God Yawe,vGod bilong mipela bai i rausim ol.