1 O, givim tenkyu long God Yawe, long wanem em i gutpela man tru, pasin bilong holimpas kontrak bilong em bai i stap oltaim. 2 Givim tenkyu long God bilong olgeta god, pasin bilong holimpas kontrak bilong em bai i stap oltaim. 3 Givim tenkyu long Bikpela bilong olgeta bikpela, pasin bilong holimpas kontrak bilong em bai i stap oltaim. 4 Givim tenkyu long em wanpela tasol i save mekim ol bikpela samting tru, pasin bilong holimpas kontrak bilong em bai i stap oltaim 5 long em tasol wantaim gutpela tingting em i wokim heven na graun, pasin bilong holimpas kontrak bilong em bai i stap oltaim. 6 Givim tenkyu long em i bin karamapim graun antap long wara, pasin bilong holimpas kontrak bilong em bai i stap oltaim, 7 em tasol i bin wokim ol bikpela lait, pasin bilong holimpas kontrak bilong em bai i stap oltaim. 8 Givim tenkyu long em long givim san long em bai i lait long dei taim, pasin bilong holimpas kontrak bilong em bai i stap oltaim 9 na mun na sta bai lait long nait, pasin bilong holimpas kontrak em bai i stap oltaim. 10 Givim tenkyu long em i bin kilim ol nambawan pikinini man bilong ol Isip, pasin bilong holimpas kontrak bilong em bai i stap oltaim 11 na bringim ol Israel kam aut namel long ol, pasin bilong holimpas kontrak bilong em bai i stap oltaim 12 wantaim strong em i apim han bilong em, pasin bilong holimpas kontrak em bai i stap oltaim. 13 Givim tenkyu long em i bin brukim solwara i gat planti gras i go tupela hap, pasin bilong holimpas kontrak bilong em bai i stap oltaim 14 na em i bin mekim ol Israel i wokabaut long namel bilong en, pasin bilong holimpas kontrak bilong em bai i stap oltaim 15 na solwara i daunim Fero wantaim olgeta soldia bilong em, pasin bilong holimpas kontrak bilong em bai i stap oltaim. 16 Givim tenkyu long em i bin i go paslain long ol manmeri bilong em long ples nating, pasin bilong holimpas kontrak bilong em bai i stap oltaim 17 long em i bin kilim ol bikpela lain king, pasin bilong holimpas kontrak bilong em bai i stap oltaim. 18 Givim tenkyu long em long em i bin kilim ol nambawan king, pasin bilong holimpas kontrak bilong em i stap oltaim, 19 Sion king bilong ol Amo, pasin bilong holimpas kontrak bilong em bai i stap oltaim oltaim 20 na Og king bilong Basan, pasin bilong holimpas kontrak bilong em bai i stap oltaim. 21 Givim tenkyu long em long em i bin givim graun bilong papa bilong ol long ol, pasin bilong holimpas kontrak bilong em bai i stap oltaim 22 em i olsem graun bilong papa bilong Israel wokman bilong em, pasin bilong holimpas kontrak bilong em bai i stap oltaim 23 long em, husat em i bin tingim yumi na helpim yumi long taim ol man i bin mekim nogut long yumi, pasin bilong holimpas kontrak bilong em bai i stap oltaim. 24 Givim tenkyu long em, husat i mekim mipela i winim tru ol birua bilong mipela, pasin bilong holimpas kontrak bilong em bai i stap oltaim 25 long wanem, em i save givim kaikai long olgeta man i stap laip, pasin bilong holimpas kontrak bilong em bai i stap oltaim. 26 O, givim tenkyu i go long God Yawe bilong heven, long wanem, pasin bilong holimpas kontrak bilong em i save stap oltaim.