¹ God Yawe, tingim ol pen na hevi bilong Devit. ² Singaut i go long God Yawe, bilong wanem na singaut bilong mi i go long bikpela bilong Jekop. ³ Em i tok, ''Bai mi no inap go insait long haus bilong mi, o go antap long bet bilong mi, ⁴ Mi no inap larim ai bilong mi i slip, o givim malolo long ai bilong mi ⁵ inap mi painim wanpela ples bilong God Yawe, wanpela haus lotu em bilong bikpela God bilong Jekop.'' ⁶ Lukim, mipela i bin harim dispela tok long ples Eprata na mipela i painim long hap graun bilong ples Jar. ⁷ Mipela bai i go insait long haus lotu bilong God na mipela bai lotu long God long lek bilong em. ⁸ Kirap, God Yawe na i go long ples malolo bilong yu, yu wantaim bokis kontrak bilong strong bilong yu!. ⁹ Inap yu putim gutpela nem antap long ol pris bilong yu, olsem klos na inap ol gutpela ol lain bilong yu ol i mekim singaut na ol i amamas. ¹⁰ Tingim wokman bilong yu Devit na noken givim baksait long king yu yet i makim. ¹¹ God Yawe i mekim trupela tok promis long Devit, trupela tok promis wei em bai i no inap rausim bek, "Mi bai putim wanpela bilong ol lain tumbuna bilong yupela antap long sia king bilong yu. ¹² Sapos ol pikinini man bilong yupela ol i bihainim ol tok na ol lo wei mi bai skulim ol long en, ol pikinini bilong ol tu bai sindaun antap long sia king bilong yu oltaim oltaim.'' ¹³ Tru tumas God Yawe i makim pinis Saion, em i gat laik long sindaun long sia. ¹⁴ ''Dispela em malolo ples bilong mi oltaim oltaim, mi bai i stap long hia, long wanem mi laikim . ¹⁵ Mi bai blesim em bikpela tru wantaim ol kainkain samting, ol trangu lain bilong em bai mi inapim ol wantaim ol bret. ¹⁶ Pasin bilong kisim bekman, bai i stap olsem klos mi bai putim antap long ol pris bilong em, ol gutpela manmeri bilong em ol bai singaut strong na amamas. ¹⁷ Long dispela hap bai mi mekim kamap wanpela hon bilong Devit na sanapim wanpela lam bilong wokman bilong mi. ¹⁸ Mi bai i putim sem antap long ol birua bilong em olsem klos, long em tasol hat king bilong em bai lait.''