1 Ol lain husat i bilip long God Yawe i olsem maunten bilong Saion na i no i save guria na bai i stap oltaim oltaim. 2 Olsem ol maunten i raunim Jerusalem na olsem God Yawe i raunim ol manmeri bilong em nau na oltaim oltaim. 3 Stik bilong king bilong ol pasin nogut i noken bosim graun bilong ol stretpela manmeri. Nogut bai ol stretpela manmeri i mekim pasin nogut. 4 Mekim gutpela, God Yawe, long ol lain husat i gutpela na long ol lain husat i gat gutpela bel. 5 Tasol ol lain husat i tanim na bihainim rot bilong bagarap, God Yawe bai rausim ol i go lonwe wantaim ol man nogut. Larim bel isi bai i stap long Israel.