1 Mi hapim ai bilong mi igo long yu, yu husat i gat olgeta strong na pawa antap long heven. 2 Lukim, olsem ai bilong ol wokman i save lukluk long han bilong masta bilong ol na olsem ai bilong ol wok meri i save lukluk long han bilong bos meri bilong ol, tasol ai bilong mipela bai i lukluk i go long God Yawe Bikpela bilong mipela inap em i marimari long mipela. 3 Marimari long mipela, God Yawe, marimari long mipela long wanem mipela i pulap wantaim daun pasin. 4 Mipela i planti na i pulap tru long ol tok bilas i kam long ol man husat i birua na i apim ol yet.