¹ Bikpela i karamapim pikinini meri bilong Saion aninit long belhat bilong em. Em i kapsaitim long gutpela bilong ol Israel, antap long heven kam daun long graun. Em i no tingim dispela ples bilong putim lek bilong em long dispela dei bilong belhat. ² Bikpela i bagarapim olgeta samting na em i no gat bel sori long taun bilong Jekop. Long dispela dei belhat bilong em i go moa na em i bagarapim biktaun bilong pikinini meri bilong Juda, olsem na long bagarapim, em i kisim kam daun long graun, Kingdom wantaim ol man i save was long en. ³ Wantaim belhat em i rausim olgeta helpim ol Israel i save kisim long en. Em i rausim han sut bilong em long ol birua bilong ol Israel na em i kukim Jekop wantaim paia na bagarapim em wantaim olgeta samting. ⁴ Olsem birua i kam klostu long yumi, wantaim pawa bilong hansut bilong em, em i redi long pait. Em i kilim olgeta husat i bin amamas long em insait long haus bilong pikinini meri bilong Saion, em i kapsaitim belhat bilong em olsem paia. ⁵ Olsem na bikpela i kamap olsem birua. Em i bagarapim olgeta Israel, em i bagarapim biktaun bilong em i save stap long en. Em i bagarapim hap we em i save hait long en. Em i sori na krai long ol pikinini meri bilong Juda. ⁶ Em i bagarapim haus lotu bilong em olsem wanpela gaden haus. Na em i bagarapim olgeta bikpela ples bilong bung. God Yawe i kamapim dispela samting long ol bai noken tingim dei Sabat long Saion, olsem na em i lukim king wantaim pris insait long belhat bilong em. ⁷ Bikpela i givim baksait long haus bilong em na em i no laik long ol samting bilong em i stap insait. Em i givim olgeta samting i go long han bilong ol birua. Ol i sanap na singaut insait long haus bilong God Yawe, olsem dispela taim ol i bin makim long mekim bikpela pati. ⁸ God Yawe i laik bagarapim biktaun bilong pikinini meri bilong Saion. Em i putim han bilong em na makim i go long bagarapim ples. Em i wokim banis tasol na ples i bagarap. ⁹ Olsem na geit bilong en i go daun insait long graun, em i bagarapim na brukim olgeta pos bilong geit bilong en. King bilong en wantaim pikinini man bilong king tu i stap long ol dispela kantri na lo i no moa stap oslem na ol profet i no lukim driman kam long God Yawe. ¹⁰ Na ol namba wan pikinini meri bilong Saion i nogat toktok na ol i sindaun long graun .Ol i tromoi das long het bilong ol na ol i werim klos bilong soim sori. Ol yanpela meri bilong Jarusalem i putim het bilong ol i go daun long graun. ¹¹ Olsem na ai bilong mi pulap long aiwara na bel bilong mi i pulap long sori na mi wari tru long wanem samting pikinini meri i bin wokim long ol manmeri na ol liklik pikinini i ai raun na pundaun insait long ol liklik rot bilong biktaun . ¹² Taim ol i pundaun long ol liklik rot bilong biktaun olsem ol man i gat sik na nogat strong, ol i tokim mama bilong ol olsem," Wit na wain i stap we?" Laip bilong ol i kapsait olsem mama i givim susu long liklik pikinini. ¹³ Bai mi tok wanem long yu, pikinini meri bilong Jarusalem? Na wanem samting bai mi bungim wantaim yu long amamasim yu, yangpela pikinini meri bilong Saion? Sua bilong yu i olsem bikpela solwara. Husat bai oraitim yu?. ¹⁴ Ol profet bilong yu lukim giaman driman long yu. Ol i no soim yu stretpela samting long yu, tasol long yu ol i givim yu nois bilong makim giaman samting. ¹⁵ Ol dispela lain husat i go pas long rot ol i paitim han bilong ol long yu. Ol i singaut na sekim het bilong ol long pikinini meri bilong Jarusalem na i tok, "Dispela em biktaun ol i bin kolim 'Bilas i Gutpela tru na 'Amamas bilong Olgeta hap bilong Graun?" ¹⁶ Olgeta lain birua bilong yu i opim maus na toktok antap long yu. Ol sigarapim tit bilong ol na ol i tok, "Mipela i kaikai em pinis! Em dispela taim mipela i bin wetim long en. Mipela i stap yet long lukim em." ¹⁷ God Yawe i mekim wanem samting em i promis pinis long mekim. Em i kamapim tru ol toktok bilong em, em i nogat sori long yu na tokim ol birua i amamas long yu. Olsem na em i givim toktok bilong ol lain birua bilong yu gen. ¹⁸ Olsem na bel bilong ol i singaut long Bikpela, banis bilong pikinini meri bilong Saion. Mekim ai wara bilong yu mas pundaun olsem wara bilong dei na nait. Yu noken kisim bel isi na larim ai wara i pundaun yet. ¹⁹ Kirap, singaut long nait na long taim tudak i laik karamapim ples na ol i lukluk i stap. Kapsaitim bel bilong yu olsem wara long ai bilong Bikpela. Apim han bilong yu long em long laip bilong ol pikinini husat i ai raun wantaim hangre na pundaun long olgeta liklik rot. ²⁰ Lukim, God Yawe, yu yet i gat wanbel long dispela pasin. Inap ol meri i ken kaikai pikinini i stap insait long bel bilong ol, olsem ol pikinini ol i bin lukautim long en? Inap ol pris na ol profet i stap insait long haus bilong Bikpela i ken dai long ai bilong Bikpela? ²¹ Olgeta yangpela na ol lapun i pundaun long das bilong ol liklik rot. Ol yangpela man na ol yangpela meri bilong mi, yu bin kilim ol i dai na tu yu no sori long ol. ²² Yu askim em long singautim ol manmeri long dispela bikpela dei, tasol mi pret long olgeta hap long dispela taim na belhat bilong God Yawe i bagarapim olgeta manmeri na i nogat wanpela i ranawe o i stap laip. Husat mi lukautim ol, ol birua bilong mi i bagarapim tu.