¹ Bel, god bilong ol Babilon ol i brukim skru i go daun na Nebo, god bilong Babilon i putim pes bilong em i go daun, ol wel abus i save karim ol giaman god bilong ol i gat hevi istap long en. Dispela ol god giaman yu karim em i gat bikpela hevi istap antap long dispela ol wel abus. ² Olgeta wantaim ol i putim pes bilong ol i go daun na brukim skru na ol yet i bin go istap insait long kalabus long wonem ol i no inap long helpim ol yet. ³ Harim mi, haus bilong Jekop, olgeta liklik hap lain bilong haus bilong Israel, husait mi bin bringim i kam long taim yu ino kamap yet long bel bilong mama. ⁴ Taim yu kamap lapun na gras bilong yu i kamap waitpela .Bai mi stap wantem tu long wonem mi wokim yu na ba mi karamapim yu na kisim bek yu. ⁵ Yu ting bai husait inap long winim mi? Yu ting mi bai makim husait, olsem na husait bai i skelim mipela? ⁶ Ol manmeri i kapsaitim gol aut long bek na skelim silva antap long skel. Ol i askim ol man bilong kukim na mekim i kamap olsem god, bai ol i brukim skru igo daun na lotu long em. ⁷ Ol i hapim na karim antap long solda bilong ol na igo putim long ples bilong en na em istap long ples bilong em na ol ino save rausim em. Ol i save krai long em tasol em ino save bekim tok bilong ol na ino save helpim wanpela man long hevi bilong em. ⁸ Tingim ol dispela samting, noken sakim tok bilong ol, yupela lain bilong bagarapim ol samting. ⁹ Tingim ol samting i bin kamap bipo, long dispela taim igo pinis. Mi yet i God na ino gat narapela, Mi God na ino gat wanpela god i olsem mi. ¹⁰ Mi tokaut long stat na pinis bilong en,bipo long taim ol samting ino kamap yet,mi bikpela i tok, "Ol hait tingting bilong mi bai i kamap na bai mi mekim olsem mi laikim long en." ¹¹ Mi singautim wanpela pisin bilong kisim wel abus long ples san i kamap, ol man bilong narapela hap ples, mi yet i makim long en. Tru tumas, Mi bin tokaut olsem, "Bai mi yet inapim dispela, Mi i gat wok olsem na bai mi wokim." ¹² Harim mi, yupela manmeri bilong pasim bel bilong yupela strong tru, yupela husait istap longwei tru long mekim stretpela pasin. ¹³ Mi kisim stretpela pasin bilong mi i kam klostu na em ino stap longwei na wok bilong kisim bek ino save weit istap, Orait bai mi kisim bek Saion wantaim ol gutpela bilas bilong mi igo long Israel.