¹ Sori tru long yu,man bilong givim bagarap em ino bin bagarap.Sori tru long man i save givim ol man long han bilong ol birua long wanem em i no givim em yet long ol. Taim yu pasim long bagarapim, yu bai i kisim bagarap. Taim yu pasim long givim man i go long han bilong ol birua, ol bai i putim yu i go long bagarap. ² God Yawe, em i save marimari long mipela, mipela i weit long yu, yu mas i stap han bilong mipela olgeta moning, na bai yu kamap man bilong kisim bek mipela long taim bilong hevi. ³ Taim nois i kamap bikpela ol manmeri i ranawe, na taim yu kirap, ol manmeri bilong olgeta kantri bai i kirap i go nambaut nambaut. ⁴ Hevi bilong yu i bung olsem grasopa i save bung,taim grasopa i save kalap, em i olsem man i save kalap antap long en. ⁵ Ol i litimapim nem bilong God Yawe, em i stap long ples i antap tru. Em bai i pulimapim Saion wantaim pasin i tru na i stretpela. ⁶ Em bai i kamap strong bilong yupela long taim bilong yupela, em i pulap wantaim marimari, em bai givim yupela planti gutpela save na tingting. Pasin bilong pretim God Yawe em i olsem gutpela samting bilong Em. ⁷ Lukim, ol i krai insait long ol liklik rot na ol maus man bilong ol narapela kantri i krai sori na i weit long kisim bel isi. ⁸ Ol bikpela rot ol i stap nating na i nogat man moa long wokabaut. Kontrak i bruk na ol i strongim tok olsem, ol i no laikim gutpela pasin na olgeta manmeri i no soim gutpela pasin. ⁹ Dispela graun i krai sori na strong bilong em i pinis, Lebanon bai i sem na i bruk nambaut.Dispela tok krai i wankain olsem dispela tok drai olgeta.Tupela tok Hibru i wankain tasol.Dispela tok i stap tu long buk Aisaia 24:4. Saron em i olsem wanpela ples nating, Basan na Kamel i seksekim tupela yet na olgeta lip bilong ol i pundaun. ¹⁰ God Yawe i tok, "Nau bai mi kirap na ol bai apim mi na putim mi i go antap olgeta. ¹¹ Yupela i gat bel long pasin nogut na yupela i karim planti liklik kaikai olsem ol sid, dispela win em i olsem paia bai i pinisim yupela. ¹² Na olgeta manmeri bai i kuk olsem ol kambank i bin kuk na bagarap. Bai ol i katim na kukim long paia. ¹³ Yupela husait i stap longwe i harim wanem samting mi bin mekim na yupela husait i stap klostu bai i save long strong bilong mi." ¹⁴ Olgeta sin manmeri insait long Saion bai i pret na kalap kalap na bagarapim ol giaman god. Husait i stap namel long mipela i ken i go na lukim paia i nogat pinis bilong en? Husait i stap namel long mipela i ken lukim dispela paia i save lait oltaim ? ¹⁵ Husait i wokabaut long stretpela pasin na mekim stretpela toktok, husait ol i save lukluk i go daun na kisim ol wok, husait i sekimsekim han bilong en olsem ol bai i no inap orait long baim. Husait i pasim ol yau long harim olgeta blut i karamap na husait i pasim ai bilong ol long lukluk i go long ol samting nogut, ¹⁶ dispela man husait bai i stap insait long ples antap tru ,long ol ples bilong ol i strongim sainpos insait long liklik maunten, bai kaikai i kamap planti na ol wara bai i ran stret na givim ol. ¹⁷ Ai bilong yupela bai i lukim King bai i stap wantaim bilas bilong em na bai yupela i lukim graun i stap longwe hap tru. ¹⁸ Bel bilong yupela bai i tingim bek olgeta hevi na yupela bai i tok olsem ol saveman bilong lo i stap we na man bilong lukautim moni i stap we? Man bilong kauntim olgeta tawa i stap we? ¹⁹ Yupela bai ino inap lukim olgeta manmeri i kros, olgeta manmeri bai i painim hat long toktok wantaim yupela na ol i no inap save gut. ²⁰ Lukluk i go long Saion em i biktaun bilong mekim kaikai, ai bilong yupela bai i lukim Jerusalem olsem ples bilong i stap isi wantaim ol manmeri, ol haus sel bilong yupela bai i no inap long rausim, husait i gat dispela namba bai ol i no inap pulim em i kam antap o bai kainkain ol rop bai i no inap bruk. ²¹ Long dispela, God Yawe em i bikpela. Bai em i stap wantaim mipela na insait long ples i go long narapela hap bilong wara na ol han wara. Nogat sip bilong pait wantaim samting bilong tanim sip bai i go na nogat ol bikpela sip bai trip antap long solwara. ²² God Yawe bai i stap man bilong skelim kot bilong mipela, God Yawe em i man bilong givim lo long mipela na God Yawe em i king bilong mipela na em bai i helpim mipela. ²³ Ol waia rop bilong yupela i slek na ol ino inap long holim strong pos bilong pasim sel i stap strong, . Taim ol i win na skelim ol samting ol i kisim long ol birua, ol lain lek han bilong ol i nogut bai i kisim hap skel bilong ol tu. ²⁴ Na olgeta manmeri i stap long dispela ples bai i no inap tok, "mi sik", olgeta manmeri husait i stap long hap bai mi lusim rong bilong ol long olgeta pasin nogut bilong ol.