¹ Noken belgut, Israel, wankain olsem ol narapela manmeri i amamas. Yu no bin bihainim stretpela pasin na yu sakim tok bilong God Yawe. Yu laikim tumas long baim ol pamuk meri taim ol i tokim yu long baim ol long ples bilong krungutim ol wit ² Tasol ples bilong krungutim wit na wain i no inap pulimapim bel bilong ol, nupela wain bai i kamap samting nating long ol. ³ Ol bai i no inap stap longpela taim long graun bilong God Yawe, maski, Efraim bai i go bek long Isip na wanpela dei ol bai i go insait long Asiria na kaikai ol kaikai i no klin . ⁴ Ol bai i no inap kapsaitim wain bilong ofa long God Yawe, wanpela samting tu i no inap amamasim em. Ofa bilong ol bai i kam wantaim krai na sori olsem kaikai bilong ol, ol lain husat i kaikai bai i bagarap. Long wanem dispela kaikai em bilong ol yet, em bai i no inap kam long haus bilong God Yawe. ⁵ Bai yu mekim wanem long dispela dei em taim ol i makim bilong tingim bikpela dei, long dispela dei bilong bikpela God Yawe? ⁶ Long wanem, lukim, sapos ol i ranawe long bagarap, Isip bai i bungim ol manmeri wantaim na Mempis bai i planim ol long graun. Long gol na silva- bilong ol bai bus na gras tasol bai i karamapim ol na rop i gat nil tasol bai kamap long haus sel bilong ol. ⁷ Dei bilong bagarapim yu i wok long kam na dei bilong skulim yu i wok long kam yet. Larim olgeta Israel i mas save long ol dispela samting. Profet em i longlong na man i save mekim ol gutpela pasin i tu i go longlong, long wanem ol pasin nogut bilong yupela i kamapim bikpela birua. ⁸ Profet em i wasman bilong God Yawe bilong mi long Efraim. Tasol i gat planti trep bilong ol pisin long olgeta hap bilong rot tasol laikim bilong em i kam long God Yawe. ⁹ Ol i go insait tru long pasin nogut bilong ol yet wankain olsem long taim bilong Gibia. God Yawe bai i singaut long tingim ol nogut bilong ol na em bai i bekim pei long sin bilong ol. ¹⁰ God Yawe i tok, ''Taim mi bin painim Israel, em i bin olsem man i painim ol wain long ples nating. Olsem diwai fik i save karim namba- wan taim long nupela mun, Mi painim ol papa bilong yupela. Tasol ol i go long Bal Bior na ol i givim ol yet long god giaman. Ol i kamap olsem ol dispela god giaman we ol laikim tumas. ¹¹ Long Efraim, gutpela bilong ol bai i flai olsem pisin. Bai i nogat taim bilong karim pikinini, bai nogat taim bilong ol mama long gat bel na bai i nogat pasin bilong gat bel. ¹² Maski ol i kamapim ol pikinini, bai mi rausim ol i go inap olgeta i pinis. Sori long ol taim mi givim baksait long ol! ¹³ Mi bin lukim Efraim, wankain olsem Taira, kamap antap long gutpela gras, tasol Efraim bai i kisim ol pikinini bilong em i go long wanpela man husat bai i kilim ol.'' ¹⁴ Givim ol, God Yawe bai yu givim wanem long ol? Givim ol pen na hevi long bel bilong ol na givim susu i nogat milk. ¹⁵ '' Long as bilong ol pasin nogut insait long Gilgal, dispela taim mi bin stat long givim baksait long ol. Bilong wanem long kainkain sin bilong ol, bai mi rausim ol long haus bilong mi. Bai mi no inap laikim ol moa, olgeta ol opisa bilong ol i save sakim tok tasol. ¹⁶ Efraim i gat sik na as bilong rop em i drai pinis, ol i no karim kaikai moa. Maski sapos ol i gat ol pikinini, bai mi kilim olgeta pikinini ol i laikim tumas.'' ¹⁷ God Yawe bilong mi bai i rausim ol long wanem ol i no bihainim na harim tok bilong em. Ol bai i kamap ol manmeri bilong raunraun namel long ol kantri.