¹ Nayafe tapaga folaga tapifi ke-nevai-ye?Havi aepa napa ya na lapaipa-moa hauniye,inagi tapaga apametiti ve ane alita haviya nehae. ² Tapaga mago yafe nelapai-ya-na noali-ye.Tapaga waya heta kipateta alumo yafe ageta lapaye nehae,ani yana tapaga noali ye.Tapaga kaweta huta ke nevai-ye.Tapaga oaligae nayafene afinogae. ³ Tapaga afinega yana noali-ye nayafene havi aepa ya-teti afine gae,ani yana alita lapagai tapi lapaipa moa hauni ya hugae. ⁴ Tapaga kumai ane!Tapaga afita haole-nao,mopa-fi yafe lapau-si-yana Goti kame hutae?Inagi nala-kamo mopa-fi-ya aiyaga waisana-na,gaga Goti-a kame-a maigane. ⁵ Tapaga lapagesa afi tapae-mo Goti ke-mo afayane nehao, "Awamu laipa-fi maine-no ala'ale aipa kanaya nehiye"? ⁶ Goti-a aipa faru yana ala yate nelami ye,higeno Goti ke moa ma-ke huniye,"Goti-a apagai api apagi ali-a nehai wayafena ohau niye,inagi apagai api atala geno afaga elamie waya na apaipa falu ya neapami -ye." ⁷ Goti te gagaiga atale geno lamino.Sata na hafaiga atale geno lapagai teti aune heno. ⁸ Goti te ega aupa huo,Goti eno gagaite aupa hugi-ye.Lapaya sese hiyo,faipa waya -na,lapaipa alita fatago hiyo,tole gagu kagesa-e wayana. v Lapaipa kanaya hiyo,lapahau hiyo, aviate yo! Kigi neha yana ataleta lapahau hiyo inagi amuse yana ataleta lapaipa kanaya hiyo. ¹⁰ Lapagai-tapi atale-geno lamino,Jesu taga,husageno lapawaleno anale lapate-gaiye. ¹¹ Tapaga folaga tapifi ke owai yo,gogana-gita.Mago vegamo-a gogana amona alino fago hute-siyana aga kasa-ke huno haviya huno alino fago nehiye.Gaga kasa-ke aliga fago husana-na,gaga kasa-ke aiyaga novai-ne,gaga fago nehane. 2 Goti magoga-ge kasa-ke lamiteno fago hulate gaiye.Aga magoge moa alino alagepa hulate-no alino haviya hulate gaiye.Gaga naragae,gaga no haopa-mona aliga fago nehane? ¹³ Meni afiyo,gaga mage nehane,"Meni-yo ega mago ala kumate ugune,kafu magogage maita maketi ya huta mone aligune." 4 Naraga afiga hale-nane ega afole aisi yana,gaga ofaliga maigapi-ye?Gaga hiya moa aise gana-a wayu huteno uno fale awamete-ne. ¹⁵ Inagi mage huta husune,"Ala nemo-a haunesi yana,laga maineta inaya maya hugene." ¹⁶ Meni lapagai-tapi lapagi alita asagau-ta haviya husa ya huta nehaya-e.Mugi gagi aliga asagau yana afemo aepa-e. ¹⁷ Inagi mago vega moa alagepa aepa ya agene-no osusi yana,ani vega faipa ya hiye.