¹ Seni Pori Jisasi Kraisin avigani karavusim becumpe. Seni yigeunamac sifactiva Timotin namaci beci mana afan e vananafaci sanan decumpe Filimoni o, eni yenamac sigono, sigona yogam bainta banamino. ² Yenamac siyofi Apia baci afan sarankecumpe, yigeunamac sigona sondia Akipusi baci sarankecumpe. Afo yigen yimac kim man sirana yeyon inimbaintaupac baci afan san yinkecumpe. ³ Yigeunamasic Kotin namac Iyeno Jisas Karaisi nic avacbac namac yirac ocyac ir avucavac bagac yigen kim bano. ⁴ Seni macden yac sena sesic suga mukintim yigen yivic deci, sesic Kotimi Susu siankecumpe, ⁵ nevaraino, eni Iyeno Jisasin kin eran birivic ana vandac, Kotinic banta anasi yivacbac uyinkana vani seni indecumpe. ⁶ Seni eyic birivi dainde yimana avoguc ampamino vani sugam mukecumpe, minifoni macden avoguc anecneuc yigeunamac Kraisin kin dukaunaugan vani eni indigarac inonamino. ⁷ Sifactiva o, enic avacbac poni senkin simusin uvikaimi sirac avogugic emino, nevaraino, eni Kotinic banta anasi yivacbac uyinkana foni yen yirac eraru yinkanamino. ⁸ Micnagci, Seni macden erani Kraisin Kim dukeci emi amankaci ne anecnefi uvarano vani eran baya sireci samirarunaifo, ⁹ eni ena avacbac uankan avucavac dukana foni semi uyac sinkemino. Seni Pori, ayogun bainta beci, mage Jisasi Kraisinic Karavusim becumpe. ¹⁰ Seni se sigac Onesmusi nani anon indiric eci emi indaontecumpe, seni karavusi gim beci bemi Kraisi nan samagecumpe. ¹¹ Afo beni bani emi avoguc yogaric iyen uankevamino, afo beni mage ende beni avoguc yogarici usinkemino. ¹² Seni bemi sankaunami evanafaci bemino, seni se sindun tinke bemi sivabac uankecumpe. ¹³ Seni bem fakaranan senamac bemi enic yogan maremi sena Karavusi gim mam baya siyimanami beni siyayintemino. ¹⁴ ''Afo seni enic ayin iye indaurukec mana anecne iyen uvarantecumpe. Seni avoguc anecneic iye usinkano, eyic ayin avakurinami amankagic intemino. ¹⁵ Seni indunami mini and foni Onemusi sito kac emi yere ankemino. Sena indunami mini anecne ampamina eni yevevge bemi sipac avic danani enamac bantemino. ¹⁶ Beni mage enic fayan yogam bainta iyem bemino, beni enic avoguc afacavam bantemino. Seni bemi anon avacbaci uankecumpe, afo seni indigecumpe, eni yankagare anon avacbaci uankanonamino, ben o gim bac Iyenonic kim bac. ¹⁷ Micnintemino, ena sen sivicman ey agonaic intei, emac sema sivigeonaic ono. ¹⁸ ''Afo bena ema manadaic uankarukanafi mana anecne eninda manden iye ayac urukanai, sisiminagaci eninda anecneuc kac ayac ono. ¹⁹ Seni Pori, se siyan kinke mana afan sarecumpe. Seni senafoni yevegec ayac ontecumpe. Macnin sirarunaino, eni senkin dina dukanamino, mini anecne senkin dina dukanamino. Afo seni enani micni sirani iyen siyemino. ²⁰ Fuga ugane sifactiva o, amankaci eni mana anecne Iyenonic avic kim uvansinkanonamino. Ende Kraisin kimi munkugecumpe, micnugaci mini avucavac poni semi sirac avogugic usinkanonamino. ²¹ Seni indigecumpe, eni mana baya avakurinonamino, micnugaci mana afan evanafac sarecumpe. Seni indigecumpe, sena uvarano seguna anecneuc baci yankagare amucna anecnen uvaranonamino. ²² Afo seni mana baya vaci emi samentecumpe, ey amackim mana rumu vaci baranuna sesac usinkano. Seni biriviic ecumpe yigenyic yugam mukin Koti indiremi amankagic usinkanaci yigena vapac ovevegec yentecumpe. ²³ Epafrasi, sen sigono bemi beyacbaci Jisas Kraisnic karavusi ic ugemi, avoguc bayankonen yigemi siyinkemino. ²⁴ Oganic ana siyinkecumpe Maki na Aristakusi na Demasi na Luki, yeni sigona yogam baintauci beni yeyacbaci avoguc bayankone siyinkenone. ²⁵ Iyeno Jisas Kraisinic avacbac enic ayo inta namagac bano. Fugai.