¹ Vhurukita wo mbunga yoye asi vayuvhe vyo vapongoki no veta yo sirongo, valiwapayikire kehe pano kurughana vyoviwa. ² walye vaghamberanga vantu mwamudona , ndi asi akare marwanambo, vakare nombili nonkenda novantu navantje. ³ Mbyovyosi natwe tuva gova twakaliro nokupira kuyuva. kwa tupukitire afu kova vapika womadowo nokutokomena vya peke-peke. kwakalire muvirwananga namufundu. Vantu vatunyengire makura natwe otuvanyenge. ⁴ Ene ngoli ufe nkenda nasihoro sa Karunga muyowoli wetu apa lyahoroka, ⁵ kapisi mukonda yaviruwana vyauhunga evi twarughana, nani ngoli mukonda ufenkenda wendi, mbyo ghatu parwira muliyoyero nomuya seumikira Mpepo yo Kupongoka, ⁶ mpepo yino yokupongoka Karunga ghatu poghomokera yoyindjo mwa Jesus Kristus Muyowoli, ⁷ asi atu hungamekete kunkenda yendi ngatu kare vapingi womwenyo wanaruntje, owo tunakutaterera. ⁸ Mbudi yino yousili. Ame kuna sana asi vininke evi ghuvi timwitire nomupampi asi, ava vapuro Karunga vakare nosinka sokukovekeda kurughana vyoviwa. evi viwa vyavyo vya kara nomulyo kuvantu. ⁹ Ene ngoli uswene nkali dougova no malikwamo womulikoro no nkani nodimutangu dokuhamena kuveta. mbyo ngoli si vyavyo kapi vya kara mulyo nositambo sitambo sino. ¹⁰ Muntu owo apiyaganekango mbunga krisite ghumukorangende parumwe naruvili makura kumusuva akare, ¹¹ Mbyo unayiva asi muntu waweyo ghalilimba ngoli ndjo dendi ndo ngadi mupanguro asi gha puka. ¹² Ntjene ngani tuma Artemas or Tychicus koye, ngokwangure kuya kwande ku Nicopolis, oko natokora nganikara kufu namuntje. ¹³ Kara nosinka sokukatwita Zenas mukaveta na Apollos, ngoli varongerere nawa vigwanekepo. ¹⁴ Upukurure vaunyetu vakare muviruwana vyoviwa vavatere mwevi vyohepero yousili, kapi vakare tupu mbyevi vasungira. ¹⁵ Navantje ava twakara navo vanamukunditirepo. kunditirenupo vaunyetu navantje vapuro Karunga amufere nkenda namuvantje.