¹ Ba farasayi ando bapundu ibeke, ba wiyi u Yerushaleme, ba ku kokomo u mbete ya wara Yesu ² Ba ku mono baweke bande ibeke ba bidja djara dja mbidi u bere woko masha. ³ Shini ande ba farasayi ando bayuda ba bakimi kaba meke djiki ikete ba u bere woko djara busheke ishini ku raba bikerere dji bamama sha banda. ⁴ Ndo amiki ba karuwa u iraka ra yoro ra bate ba buiki, ka bameke djiki ubosho ba bere ya yembeshe u bikerere dji ba mama sha bande. Biyi ba meke tomuwo ayasha bi kerere djeke dja buiki dji bamama, ngo ukuishi miteke, djopo ndo makopo ma mboro. ⁵ Keke ba farasayi ndo ba pundu ba kunguru ba nde: Ishini yeye ba weke bawo ba meke we raba bikerere dji ba mama? Ba nyiki ando djara dja mbindi? ⁶ Yesu ya ku babara ande: Bina masha mapende, Yeshayi a ma shakara bara-bara u rueyi ruini ipu ra pundu bande: Bate bane ba ntonoshoko ku mayobo ma numbu, kek'ake miteme nya banda nyi tamba a ndo mi. ⁷ Ba ngueteke toro miyi a ngona ngona, shini ba nyishiki mikendje nya bate. ⁸ Bua nekere mikendje nya Ndjambe, ndo bua nabaka mikendje nya bate. ⁹ Ya ku kara baroro: Bua nthiki mikendje nya Ndjambe u mbete ndjeke, bua buinu uraba mikendje nyini. ¹⁰ Ishini ande Moise aroro ande: U tini ishu ando nyowo; yono a noko bu be u ishanda ando inyande, yande ipepete iwa. ¹¹ Kek'ake buini bua noka ande : Moto mbe aroro ishande mbe inyande ande: Ikete ranaka miyi u yeke riya< kobana> dja noko roro ande : muamba mui kini mua bora Ndjambe; ¹² ka bua ka nyeke mboko u kereshe busheke ishande ndo inyande. ¹³ Bua numunuku rueye rua Ndjambe u sha shiki mikendje nyini, ndo bua kereke meye meke mabuiki mipu rini. ¹⁴ Ambishi yini, ya ku kara wuru yoro ra bate ya ku bashoshso ande : Poko a nana buini bakima ndo yebe anana: ¹⁵ Kuapa a ikete a rimoko ri bushobo ra nini ukata moto ndo ra ka nkershe mbindi, kek'ake riyi pa ri rini rapunuku u moto raka nkereshe mbind. ¹⁶ Moto mbe yara ando matu mawoko, uwoko. ¹⁷ A karuwu yande u mburu tamba ando yoro ra bate, baweke banda ba nguru shini ya ba shosho shimba nkondo munu. ¹⁸ Ya ku baroro ande : A buiniki buakapa ando buyebere? Ka bua ntsheke yebe ande kuapa ikete ri bushobo ra niniki u moto ra nkereshe mbindi? i ¹⁹ Shina ande kara ntsheke nini u nteme, kek'ake rindi raniniki ku ikundu rande; ambishi ri punu rende u maraka ma shuama?, Bikete ka ndja ntsheke kereshe moto mbindi bi. ²⁰ Ya kukara roro ande : rini rapunuku u moto, rindi raka mpitishi. ²¹ Ishina ande kuteme mua mot, mua meke punu manya ma mabe: Bundumbu, ake bikekerere, u djaka batu. Buembo, soshoko, kabua, ²² Buembo, udja mikendje, mishi ma mabe, rutene,,rutowo rua Ndjambe, u ya wondo, u rara-rara. ²³ Bikete djina dja bikimi dja punuku u bondo ndo djsneke moto mbudu ======= ²⁰ Ya ku kara roro ande: Keke rini rapunuku u moto, rindi raka nkereshe mbindi. ²¹ Shina ande meye ma mabe ma meke punu ku kate nteme mua moto, manya ma mabe, bushoshombo, buembe, u djaka bate, ²² Bundumbu, rupishi, rutene, wiya weshe, kerere ndja ibe. ²³ Meye mana ma makimi ma mabe ma punuku ku mbondo ndo ma nkeresheke moto mbindi >>>>>>> b465ce253e944b9f8f4ec33a54bf1f00afa65df3 ²⁴ Yesu ya ku kobuwu u nono, ya kuwende u itenye ra shini ra Tire. Ya ku nini u mburu ipu nde areke a moto a moko a yebe. Isheke wara ngosho ka toko shuama. ²⁵ Ngata a wara muana ndjua ngata yono a wara nyumu djua mbindi. Mun'anana a woko ya bi toto rueyie rua bora Yesu ya ku yaboko u para shande. ²⁶ Ngata yono a wara muina Ngereke ba moto u Siri u shini ndja Fenisi. Ya ku rombo Yesu ande ibingi ba demo ba wara u muan'ande ndjua ngata. ²⁷ Yesu ya ku nor'ande: Rekere bukoto bana bitoko wutu, shina ande ndja kapa busheke u wosho bidjere dja bana ndo u bokosho ba mbua. ²⁸ Ngata ku marara ande: Dji ngosho kumu, bana bi mbua u shina mesa ba meke djiki peshere sha bana ba bate. ²⁹ Ndo Yesu ku marara ande: Ishni rutoto ruawa, ya karuwa ra mburu awa, demo a ma punu u muana wu djua ngata. ³⁰ Itanga ra karuwa yande u mbura ande, ato mono muana a ndjondjo ariki ri ishasha, shini demo awara a ma punu. ³¹ Yesu ya ku kobuwu u itenye ra shini ra Tire, u shamba shini dja Sido aki shini dja Dekaporo utoro u iribi ra Garere. ³² Ba ku nasha moto a wu mato a beke we toto ndo ba ku nombo bua yande u nyaya djare. ³³ Yesu kue ndjende mbete ndjeke tamba a ndo bate. Ya ku shiki ndembe shande u matu ma moto yono, ndo ku ntushu ma shonyo ma kumunu ru neme ruande. ³⁴ Ndo ya ku totoro mishi u riki, ya ku nyomoto. Ya ku nora ande: Ephaphatha dja nokoko ande ripuwa wene. ³⁵ Mun'anana matu ma ku ripuwa, runeme ruku tunguwa ndo ya kutapa utoto busheke. ³⁶ Yesu ya ku baror'ande: Areke bua shosho a rundu a moto a moko; kek'ake yi ba karake yande buika buiki bandeki bi ru shonoko buika a buiki. ³⁷ Ba wara ba biyakama dja buiki ndo baroko: A nkereke dja bikimi busheke; angokosho bawu mato ndo a ntotoshoko tshumama.