¹ Kek'angowo,Meleshisedek yono, awara kumu ndjua sarem nganga Ndjambe ndjua ndemb'ariki atashana ba Abarapama awiki ya karuwa u ma djakara mande mi ba kumu, yand ku nyakisha. ² Keke Abarapama ya ku nyeke itenye imoko rande ri ishanga ri bukete dja bikimi, yande u busho yiyi kumu ndjua busheke ipu ri mabarara mi rukombo ruande,ambushi yini yiyi a yasha kumu ndjua sarem,ndja noko ror'ande kumu ndjua poro. ³ Akapa ishin'ande, akapa a iyande,akapa a ba mana, akapa a matapara mi matuwu mbe ma mamasha ma monyo, keke ya ku buaka ipu ra muana Ndjambe, Meleshisedek yono ku shara nganga Ndjambe ndjua shera shera. ⁴ Boko nana buanya ngo ipu rini ri bunene bua wara yande,yono Abarapama mama yiti ayeke itenye ri ishanga ri bikete djini dja nganga. ⁵ U bana ba bora Lewiy bana ba u punu u nkanda mua bora Abarapama, ⁶ Keke yono ba mama shande ba bere punu u ikundu imoko ndo bina Leviya wosho itenye imoko ri ishanga ri bikete u bora Abarapama,keke ya ku nyakisha yono yiy'ando iraka. ⁷ Keke djakapa nyana bi, yono yiyi ndjua nkete ba meke nyakasha ku yono ndjuariki bunene. ⁸ Kek'angowo, bana ba ngoko itenye imoko ri ishanga biyi bate bana nguaka,keke unono yiyi yande yono a mak ba tshushok'ande yiyi ando monyo. ⁹ Keke uroro ngowo, Lewiy,yono angoko itenye imoko ri ishanga,ya ku bi putu,kek'ishini ku ror'ande ku Abarapama. ¹⁰ Ishin'ande awara munu nkongo mua bora ishande, itanga Meleshisedek aweke yande u bosho nua Abarapama, ¹¹ Mbe djar'ande, busheke bua sheme buiyi ukata u bina a ngunu bi ikini ba bina Lewiyi,keke djiyi ka riki ra ngunu mui ikini riyi mabenge ma yeke bate, dji karwiyi bushek'ande nganga Ndjambe ndjueke ikarwiyi u nongo mua bora Meleshisede,keke ko yara u nongo mua Aron. ¹² Ishin'ande a bamana iraka ri ikimi,dji karwiyi busheke a yasha u barara mi mabenge. ¹³ Kek'ande, yande muina meyi mana ma noko banda yiyi muina irondjo reke, u irondjo rini kua moto a moko a kere ngunu u iraka ri ikini. ¹⁴ Keke runu rua biti, kumu yiti bi monoto ku irondjo ra bina yuda, irondjo rini Mose ra bere ya toto ishini ba nganga Ndjambe. ¹⁵ Runu rua neke ukar yebe ande, Mbe djar'ande nganga Ndjambe akar punu ndjua ipu imoko ando Meleshisedek, ¹⁶ Ba ntshiki nganga Ndjambe, kuapa ishini mabanga ma bate ba shina mana, ishini banono bua monyo muinu mua merke rini. ¹⁷ Ishin'ande ba nok'ande Wene wiyi nganga Ndjambe ndjua shera-shera, yono ndjua nongo mua bora Meleshisedek. ¹⁸ Ishin'ande ma teyere mi mabenge ma bosho miyi ishini ibere ma wiyi a bunono ndo ishin'ebere ma wiyi a ngunu mua manda. ¹⁹ Ishini mabenge ka ma toko wi rata a rueyi ru moko rua rusheke, ndo manishiri mi iraka ri shiki nteme ma reke busheke miyi mana ma nkarwuka biti a manda ngama Ndjambe. ²⁰ Kek'ande ba nganga Ndjambe bua kapa mbe wa bere ya koko, ²¹ Barabara,bina Lewiyi ba ma buaka ba nganga ba Ndjambe bana u bere ya koko,kek'aki Yezu a buaka nganga Ndjambe yiya, koko yande u boara yi nor;ande kumu a ma ya koko,keke ko yi barura rutoto ruande wene wiyi nganga Ndjambe ndjua sherashera ²² Keke ishini meyi mana, Yezu a ma buaka yono yi yayeke u mawokosho mana ma reke busheke. ²³ Ureke, banda ba ma buaka ba nganga Ndjambe ba buiki, ishin'ande iwa ra weke ba kikeme bnada ushera u ngunu. ²⁴ Keke yande,ishin'ande yiyi ndjua shera shera,yiy'ando ba nganga Ndjambe bua meke ba kara yeke moto ndjueke. ²⁵ Irak rini, yande yiyi ande bunono bu wondjoro bate bana ba nkarwuka ngama a Ndjambe u rueyi ruande yande yiy'ande monyo shera shere ishini ku ba totosho. ²⁶ Keke kuba nganga ndjua ngowo a ma tshu yemene ndjua ikimi, ikimi bube,ishini itobo,akapuwa ndo bato ba be, ndo ndjua totowo ureke riki. ²⁷ Yanda a kapa nyinga rueyi, ngo ipu ra wara ba kuba nganga bane,ishini ku wupu minamba rushuwu ando rushuwu, u bosho ishini bube buanda ya mene ambishi ishini bube bua bate,keke yande ki,a kere rueyi runu shoko imoko shera shera yiya yeke yande ya mene. ²⁸ Kek'angowo, mabenge ma ntshiki ba kuba nganga ba bate ando boro,keke rutoto ru ya koko yande rua wera ku mbishi mabenge rua shiki muana yono a buaka ndjua ntsheke ndjua sheme shera shere.