¹ [Buara ngo Bana BA Muanyi]. Buar'ana bato bi wokoro Ndjambe, ngo bana bi ruwond ² , Buar'an'ando ruwondo ngo pwar'yini ya war kristu yona yi tshuwondo,yono yi ya yeke yand'amene u bora Ndjambe ishini bitu ngo ndamb ndja shoro ndja isheke jean 13,34,15:12, 1thess 4: 9. 1jean3,21,1jean 4:21,1p3:18,Heb8: 3 ³ A eke bundumb' ndo meyi ma mbinde aki nobo u ndeng'ayini ipu ra nyemene djind'ando bini ikimi. Marc 7: 21, Efeso 4: 29, Col3:5 ⁴ A reke ba woko toto shi bushongo,mbe bitototo aki meyi mane me bere wiyi pwar'ndja isheke keke bi woko makarasha mi maranga u bora Ndjambe. ⁵ Keke buak yebe u barabar'ande kuap'a nkere bundumbu mbe muini'a nteme mua mube , mbe muin'a nobo mbe muin'a nyingi ndja biroko mbey'ande yono a mek'toro tshurongarongo akap'ando ikapa u bukumu bua bora Kristu ndo bua bora Ndjambe, 1cor 6,10 gal5,10 col 3 5 apc22:15 ⁶ Areke moto a moko yi bu rimbi ando toto shi manimbi keke ishini meyi mane kabu sha Ndjambe a mik'shind'ariki ra bana ba ntshu mua munono. ⁷ A reke buar'ando a ikap'aimok'ando bandbi. ⁸ U war'a wara bua wara ku muinmini,kek'angow bua wiyi muanya u kat'akumu,war'anana ngo bana ba muanya.1thes5:4 ⁹ Ishin'ande meyi ma muanya mi mamasheke ma shen'ando ma barabara.gal 5:22 ¹⁰ Tomb'ana rueyi rua rusheke rua nyakash kumu, ¹¹ Ndo a reke bua wosh'ikapa a imok'umingunu nya muimini,keke bu mi ber'anana Mt 18:17,1cor5,8,10,20,cor6,14,2thes3,14 ¹² Ishin'ande dji bushonyo u shono rueyi runu rua nkere band'u bushuama. ¹³ Keke rueyi rua rukimi runu rua merk'band rua monyiyiku muanya, jean 3,20,21 ¹⁴ Irak'rini a roro band'ande: Wumuwu wene yono wiyi ndjua tshondjo,katuw'a u ndng'a bato ba wu,keke kristu yi ishundju mboko Ro13,11,thess 5,6 ¹⁷ Bua peny'anan'ando bikerere djinu, Areke buar'ana ngo bipushuru bi, keke buar'ana bato ba buanya. ¹⁶ Ani yi itanga, bu shoto u kere meyi mamasheke ishin'ande matuwu mane mi bitu miyi mamabe Rm13,11. ¹⁵ Irak'rini, a reke buara ngo bato bane bi bere wiy'ando buanya,keke bu shoto u yebe meyi mane ma ngondoko kumu Rm12,2 1thess 4,3 ¹⁸ Areke bua wumana,ishin'ade ma mek'shend ku bundumbu keke busheke buara ba yoro buik'abuik'ando pung'a Ndjambe. ¹⁹ Bu windjish'ana bunon'ando ndjembe sha bin'a Ndjambe ba war'awar, ndo Ndjembe sha bora kristu, ndo ndjembe shini shak'bu shundju pung'a Ndjambe, bu barak'ndo bu tonosho Ndjambe ando nteme muini mua mukimi. ²⁰ Bu karash'ana Ndjambe marang'matuwu mamakimi u rukomb rua bora kum'ayitu yezu-kristu. ²¹ Bu tomuw'ana buin'a buinu u matinini mane ma tiniki buinu kristu. ²² Bawata, bu tomuw'ana baromo shini ngo pwar'yini ya tomuiwuk'band kristu.Gen3,16,1cor14,34. ²³ Ishin'ande nungu yi kum'abora ngata, ngo pwar'yini kristu yiy'yande kumu ndjua Ekelezia yiyi rutok'ruand,yono yiyiyand ngondjoro. ²⁴ Ngo pwar'yini Ekelezia a ntomuiwuk'yind kristu bawat'a band bi tomuiwu baromo sha band u meyi mamakin. ²⁵ Barungo wund'anana ba wara shinu ngo pwar'yini kristu a wond yand Ekelezia, ndo ya ku yeke monyo muand ishini yind, col3, ²⁶ Kek'ande yi kinyiy'ando rutoto ambish'yand u manak'u iyembeshe u itishi ra mash, Tite 3,5. ²⁷ Kek'ande yi ipunushu u bosho buand ngo Ekelezia ndja rutono, ikini itoto ikini mbind,mbe kuap ikini iketeri ipu ra ngono , keke yar ndja ikimi ndo ndja u bere war'ando rueyi a rumok'rua rube col 1:22 ²⁸ Djiy'ande barungu bi wondo ba wara sha band ngo toko sha band. Nungu yono ndjua ngondoko ngar'ande a mak'ya wond yand'amene. ²⁹ Ishan'ande kuap'a moto a moko a mek bere rutoko ruand,keke a meke ru djishi ndo a meke ru roriyi busheke pwar yini kristu a meke y'ande kere ishini Ekelezia. ³⁰ Ishin'ande tshui bitenye dji rutok'ruand,Rom12,5 1cor 12,27 ³¹ Irak'rini nungu ishak'rekere ishand ba inyand keke bi weke bamash'ba ngar'andi,keke pend'a band bi kekere rutok rumokGen2,24,Mat19,5. ³² Rueyi rua shuam runu ngow rui rueyi rua runene, ndak'ru toto ishini ku koriyi kristu ando Ekelezia. ³³ U mane ma ntshashar,nungu ndjua nkimi i wond ngar'andi ngo pwar yini ya mak'yand ya wond yand'amene,aki ngat ndjua nkimi i tomuiwu nom'andi