¹ Poro antshoshoko bata bana ba bere yebe Ndjambe meye mashuama. Ishini rueyi ruinu, miyi poro,muini buroko bua bora kristu,u buini bana ba bere yebe Ndjambe. ² Mbe djar'ande , bua woko mayekere ma ntshongo mua Ndjambe, ma peke banda ishini buini. ³ Djiyi ku mboko ndja maripiri ma meyi ma shuama ma yebe miyi iraka rini ndka bu pundushu meyi ma makeke. ⁴ Amak buinu mabara bu yeyebe buanya bua meyi mashuama ma bora kristu. ⁵ Kabatoko shundju a bundu bana bate ukumbu sha mbishi,kek'angowo a maripiri u punga Ndjambe u ba postoro bi ikimi ndo ngandjambe ba bora kristu. ⁶ U rueyi runu rua shuama a bana ba bere yebe biyi ya banda bakita djindi,ba kereke rutoko ru moko,ba ngoshoko iraka imoko ando yiti u Yezu kristu u rushanga rua rusheke, ⁷ Djini dja shiki banda muina ngunu u mayekere ma ntshongo ma Ndjambe u mangoro mi binono buanda. ⁸ U miyi yono ndjiyi u shini ndja ba santu ba bakimi ba peke ntshongo munu ishini miyi u shosho bana ba bere yebe Ndjambe biroko dja shamba bunene dja bora kristu. ⁹ Ndo upunushe u yembe rueyi rua shuama ru matanga ma makimi ma Ndjambe yono a wamga bikete dja bikimi, ¹⁰ Keke ekelezia ishosho bakumu ndo bana biya riki u maraka ma riki manya ma shamba ma bora Ndjambe. ¹¹ Ngo ipu ri mashororo manda ma shera-shera u kristu yezu kuma yiti ¹² Keke u yande tshuyi bu ndueyi u maweshere ndo u karwa ngam'ande u mashikiri ma nteme, ¹³ Keke ndak bu rombo ande miteme nyini arekenya rembe u mitanda nyi miyi ando nyindi ishini rueyi ruini, miyi rutono ruini ¹⁴ Ishini rueyi runu nda maroko ma mango a shini u busho bua bora tata, ¹⁵ U y'ande marondjo ma makimi ma riki ndo ma shini ma ngoshoko rukombo ruande, ¹⁶ Keke yi buyeke, ngo ipu ri biroko dji rutono ruande, ishin'ande buar'ando bunono ba korosho u punga u moto ndjua kata ¹⁷ U ipu ande kristu yi wara u miteme nyini u ma weshere, bamana piki nyiri ndo ba yembete u maweshere. ¹⁸ Buar'ando bunono buyebe ando basantu ba bakimi,ipu ri butara,ndo bunene ndo ndembe ndja riki ndo ndembe ndja shini, ¹⁹ Ndo u yebe ruwondo rua bora kristu, runu ruaneke bu yebere bua bukimi kek'ande buara ba yoro u mayaroro ma yemene ma bora Ndjambe. ²⁰ U bora Ndjambe yiy'ando bunono bu kere meyi ma buiki ma mere biti yemene unombo ndo u boko buanya , ngo yi bunono bunu buiyi u kata yiti. ²¹ Rutono ruara y'ande u Ekelezia aki u Yezu kristu, u kumbu sha shikimi, u maburu ndo maburu Amen