¹ Ngotara, wene Gayuse djua rowondo yono awondo miye ubara-bara. ² Ndjuarowondo, nda ngondo ande wende rabosho umeyi ma mamakime ando wara ando bunono bu rutoko,ngo upua rameke monyo muawo rabosho. ³ Nda mane wara ando bunyaka bua buiki upu rawiyi ba binyiti ando a rondoro banda bara-bara buyi andowa,upu ratshiambeke mingunu minu ubara-bara. ⁴ Nda kapa ando bunyaka bueke buashamba buangoko miya ande bana bama bamikiboko para ukata bara-bara. ⁵ Indjuama djua ruwondo,wakereke meyi ma masheke ,mana makeresheke wene ba binyitu abana bi benyabangu. ⁶ Bana barondoro rusango ri ruwondo ruawo u bosho bua Ekelezia ,ubarorosho ruende rua rusheke u pu ra bana ba Ndjambe. ⁷ Ishini ande kuro kombo rua Yesu Kristu awera banda, ubere wosho ikete rimoko ra bina rutoko ⁸ Tshuwaya anana bantu bi ipurine ngow keke ande tshuara bina aneme ando banda bara-bara. ⁹ Ndamana upundushu Ekelezia meye mama keke, keke Diotrefe yono djua nguesheke uwara moto djo bukoto u ndenga banda,ka matshuwapa bi, ¹⁰ Iraka rini mbe djar'ande nda wiyi ubumono ndi buwi buwibira meyi mane makereke yande, atotoko meye mabuiki ariki ritu, kathuapa ando meye mande rueye, abana banguesheke ubawaya amakabakara ando ubabinga u Ekezia. ¹¹ Ndjua ruwundo areke wawokoro kerer dja ibe wokoro kerere dja isheke. yon djua akereke busheke i dja Ndjambe, yone dja kereke bube ka toko mone Ndjambe. ¹² Ba bakimi gona bara-bara bumene , banordoroko nondo mua musheke mua bora Demetuse, ayasha bitu tshuakorondoro nondo muande, keke wakeyebe nde nondo muitu mubara-bara ¹³ Nda kuwara ndo meyi mabuiki mi ipundushu, keke kandanguesheke umapundu ando mashe a nti mukanda. ¹⁴ Ndanguesheke ku imone u matu u ma makeke, keke tshutote bosho ando bosho. ¹⁵ poro shara andowa. Bambayi bakiwimbishi ,umbishi bambayi moto ando moto u rukombo ruande.