¹ Ndak ipundushu u bosho bua Ndjambe ando bosho bau Yezu Kristu yono irumbushu bate monyo ndo bana bawa, ndo ma monyiyi manda ndo bukumu buande, ² Yishi rueyi rua Ndjambe, u rutoto u matanga ma makimi u itanga ra risheke mbe ra ribe, bashosho u kara bashosho ndo poro aki u bayishi. ³ Kek'ande itangari wike wiyi rin'ande bate kabishe kara ya yebe u mayishi mikimi , kek'ande birabaka meyi ma banda mana mak banyakesha keke bi shoshoto bayishi ba buiki ishini kukayishi meyi ma banda mana manguesheke banda, ⁴ Bibere mayishi ma bara-bara,bitapa u woko meyi ma ngona -ngono mi manimbi. ⁵ Wenake, war'ando buanya u meyi ma makimi nanga nteme u mitamda,isha rusanga rua Ndjambe,yemeshe ngunu muaya busheke. ⁶ Ishini miyi nda toro ngama ndja u rekere shinamana ndo itanga ramiyi wende ra karuwa ngama, ⁷ Rama nana itumbu ra risheke, rama yereye mbanga shama ra rondo maweshere ⁸ . Kek'angowo iputu rama ra risheke riyi bande ndosh'arindi, keke Kumu ishushundju bara-bara ipepek'arindi u rushuwu runu ,kapa p miyi mimene kek'a bana bawondo mawiri manda. ⁹ Iyi buasha iraka riyi miyi. ¹⁰ Ishin'ande Dema amasha ndekere ishini ruwondo rua meyi mi matuwu mana , amawende ra Gada ra boro bua Tesalonike, Chretian ama wende ra Gada ti aki Tite kuende ra Daramashi. ¹¹ Pamunu Luka ashar'ande me. Woshi moko buiyi bun'ande, ishin'ande yiye ndju arama ukere ndo me ngunu. ¹² Nda tomo Tishike u boro bua Efeso. ¹³ Itanga ri wene karuwa undasha ma pere ma riki mashamuyi rekere ubora bua Trowasha u mbur'abora Karpushu, ndo mikanda nya pundu biti u pok'ashutu. ¹⁶ Alexendre , nturu ndjua mboro amakereshe bube bua buiki. Kumu impu-putu ipu ri bikerere djaande ¹⁵ . Ya rond'awene u bosho buande,ishin'ande yand'amabere mayishi miti ndo nteme mua muikimi. ¹⁴ Umarumburu manma mi bukoto, kuapa moto a moko awiyi u totosho keke bate ba bakimi bandekere mi mene . Ndjambe arek'abra bube bua bande. ¹⁷ Kumu awara ngama-ngam'ando me, kupeke bunono ishin'ande mayishi miyereme u miyi ndo marondjo mana mabere yebe Ndjambe bi mawoko Ndjambe apondjoro ukata numbu mua nyime. ¹⁸ Kumu ipopondjoro u bikerere dja bibe dja bikimi, ndo ipopondjoro ishini kundishi u bukumu buanda bua riki rutono ruara u yande mashewu ndo mashewe Amen. ¹⁹ Wimbishi Prisea ndo nom'ande Aguila, aki bina mbur'abora Onezifore. ²⁰ Eraste amashra u Korinto ndo nda sharekere Trophime ndjira tata u Milet. ²¹ Kere buasha utewiye u bosho bu itanga rapiyi ndja buiki. Eubulus, Pudens, Linus , Claudia mua nyiti ndjua bawata aki ba binyiti ba bakimi baki wimbushi. ²² Kumu Yezu yar'ando wa , Ntshongo mua Ndjambe muar'ando yini.