¹ Poro, yono ndjua tono bande u bora Yezu- Kristu, ruwondo rua bora Ndjambe, ishini ku shoro iraka ra monyo munu muiyi u Yezu Kristu. ² Wene Timote, muana mi ndjua ruwondo ntshongo, irerere ndo poro biyeka djindi bora tata Ndjambe ndo u bora Kumu ayitu Yezu Kristu. ³ Nda karashika Ndjambe maranga,Ndjambe yono a kereshe ba mama shami,ndo yono ndjua keresheke miya ando buanya bua busheke,ando a butuwu a muanya ndaki wibuwa shoko sha shikimi u maromboro mana ma Ndjambe, ⁴ Anguibuku miyi bikere djawa, ndo ndiya nyinga ndja ukara yimono keke riyoro ndo bunyaka. ⁵ Urondo mawibuwu mi maweshe mawa ma bara-bara mana mawara ukat'awa, mana mawara bukoto ukata mama wa ndjua ngata Loyis aki ukata nyowo Eunis, nda ntshiks nteme ande awene wiy'ando manda. ⁶ Iraka rini amake miyi iyeke irong'ande ushoshoro mayekere ma bora Ndjambe djini djawosho wene u manyayi ma djara djama. ⁷ Ishin'ande Ndjambe katoko tshuyeke pungu mpiyi bi keke itshuyeke Pungu ndja bunono, ndja ruwondo mbe Pungu ndja buanya. ⁸ Reke wara ndo bushonyo butoto runu rua neke Kuma iti bi, mbe rua ndeke miyi muina burok'ande-keke mono ntand'ando me ishini rusanga rua rusheke, ¹⁰ U bunono bua bora Ndjambe yono itshuwondjoro ndo itshuwuru u ngunu muanda muikini, kapa ishini bikerere djitu bi, keke ishini maroriyi manda yamene,ando ntshongo mua shundju yande u Yezu Kristu u bosho bu matanga ma shere-shere. ⁹ Ndo ya kushundju ngama-ngama ini u ma mony'yo ma ngondjoro ayiti Yezu Kristu,mana mareke u bumono ndo mapunushu u yembe monyo ndo u be wuwa u mboko rusanga rua rusheke ¹¹ . Djiyi ishini rusanga rua rusheke runu rua shiki banda miyi ntoto arundu ando ntomo abora Yezu ishini kuyishi bate bana babere yeke Ndjambe. ¹² Yiyi ishini meye mana ngowo, keke rakapa ndo bushonyo a kapiti ishin'ande ndakeyebe yono ndjua aweshe miyi,ndo ndake yebe andeyiy'ando bunono bundondo inamana rushuwu ru mamanasha. ¹³ Ukata maweshere ndo ukata ruwondo shuku runu ruiyi u Yezu Kristu ipu ra toto shikimi shini shawosho wene u minyi. ¹⁴ Rondo yiyondo ra meyi ma masheke mawosho wene u mboko punga Ndjambe yiyi ukata iti. ¹⁵ Yeb'ande bate ba bakimi bana biyi u Asie basha ndekere, ngo Eigele aki Ermogene. ¹⁶ Kumu Ndjambe imuana ntshongo muane ariki ra mburu Oneziporo,ishin'ande ameke kitishi nteme muame, shok'ando shoko, ando katoko wara ndo bushonyo ishini minamba nyame. Mbete ndjeke, itanga rini ra wiyi yande u ¹⁷ Rome amashoto umbono mbanga a mbanga ambono yande, ¹⁸ Kumu inyeke mboko ndjua ntshongo mbora Kumu Ndjambe u rushuwu runu. Wakayebe busheke mingunu nyande nya kereshe yande itanga rawara miyi u bora bua Efeshe.