¹ Ngotara, u wene Kyria djua shoro bande ndo aki u bana bande, ba ngondo miyi u bara-bara, ndo kuapa pa munu miy'amene ndaka bawondo, keke ayasa bana babakimi bayebe bara-bara, ² Ishini bara-bara yini ya miki u kata yiti ndo yi war'ando yiti shera-shera : ³ Tshiongo, irerere ndo poro sha Ndjambe tata ndo sha Yesu Kristu, Muana a bora tata, djar' ando yini u bara-bara ndo u ruwondo. ⁴ Nda ma wara ando bunyaka buabuiki umono bana bawa beke bamiki shamba ubara-bara.ipu ri mabenge ma pete biti u bora Tata ⁵ Ani ngama-ngama,ruamaka miyi irombo ,we Kyria, kuapa ande ndak'ipundushu ibenge ra yembe, pa ririni ra wosho bitu to matapara, tshuwondosho ana bita-bita. ⁶ keke Ruwondo ruiy'ande u shamba u mabenge mande.Rindi rini ibenge ri rene buini ushamba a rindi, ngo ipu ra yiri buini to matapere ⁷ Ishin'ande bina manimbi babuiki banina ashina mane bana ba mereke weshe ande Yesu Kristu ama wiyi u rutoko. Moto djua i purini yiyi ngowo muina manimbi ndo muin'ikembe a Kristu. ⁸ Ya rondana buina mene, ishin' ande areke buashotosho rundombo rua ngunu muinu, keke ande buwosho mpoto muini muayemene.. ⁹ Ndjua nkimi yono a meke tamba a mereke shara u mayishi, ma bora Yesu Kristu akapa ando Ndjambe, yono yiyi ukate mayisha mana yiy'ando tata ake muana. ¹⁰ Mbe moto yiyi ubuini ndo abere urata iyishi rini areke wa nguaya u mburu awa, ndo areke wa nguimbishi: wawiye ¹¹ Ishin'ande yono yi nguimbishi ande wawiyi, ama ya posho u makerere mande ma mabe. ¹² Isheke war'ande ndi ndo meyi mabuiki mi bu pundushu, she raweshe u bu pundushu u ru wosho ando masha ma nkanda,keke nda ngueshe ande ndiyi uboro buini tshumonsho miyi utoto ando yini bosho ando bosho, keke bunyaka buiti buara buayemene. ¹³ Bana ba pangawu ndjua shoro bande bak'iwimbishi.