¹ Ndjye bushike mi bupundushu ishini ba binyitu. ² Ndakuyebe maweshere mini u babinyiti ba Macedoni, ishin'andeAchaie iyi ngama too ishuwe ra bisa,ishina mawarara mini ma u rata bata buiki, ³ Nda tomo ba binyiti ishin'ande rutoto rua toto biti areke rara ra ngono-ngono, war'anana ngama-ngama ngo atoto miyi. ⁴ Shi ndawesh'ande, ba Macedoni biwiya ndo me, mbe djar'ande buakapa ndo mi ngama-ngama,ma totoro mana mi wiya u bita kuapa u buinu. ⁵ Diyi busheke bua miyi utomo ba binyiti u wende u bosho buini ishini ko roriyi djini dja to buini uroriyi ishin'ande mayekere mini mara ma bara-bara,kuapa ngo meyi ma rutoko. ⁶ Buak yeb'ande,yono i wono mboto sha shikeke i kokono sha shikeke, keke yono iwono sha buiki i kokono sha buiki. ⁷ Moto ando moto iyeke Ndjambe ngo buara anoriyi y''ande nteme muande, akapa u bunono mbe kuapa ukereshe a bunono,ishini Ndjambe anguesheke yono a mak'nyek'ando bunyaka. ⁸ Keke Ndjambe i buye -buyeke bunyaka bua buini uwar'ando nteme nyi buini ukeresheke toko shini mi ngunu mini u bara-bara. ⁹ Buaha a punda band'ande: A mayeke djini dja disheke, A mayeke bina mitanda ,bara-bara nde ishara shera-shere. ¹⁰ Yono a nyeke mboto u bana ba ndjeke ando diakapa ngo bidiere djande i bu yeye ando i pupurushu mboto shini u bara-bara ¹¹ . Keke bu wara ba yor'ando maweshere ndo bunyaka ishin'ande u biti tshu rombo Ndjambe. ¹² Kek'angowo, ngunu mu mayekere ka muapa ishini ba binyiti bi ndiyi ayasha maromboro ma bara-bara ma Ndjambe. ¹³ Ishini ma kereme mini ando maweshere mini, bua buini u ndombosho Ndjambe,ishini maweshere mini u rusanga ra rusheke ra Yezu ando mayekere mini u batu. ¹⁴ Bak'burombosho Ndjaambe ishina ruwondo ra tshiyeke Ndjambe. ¹⁵ Ruwondo, djare u bora kumu Ndjambe ishini mayekere mande u biti.