¹ Biti tshua nkaka tapa u ya tonosho shokka mpende ? tshua kap'ando mikanda nyi tshu tomo banda u boro buini mbe ku buuini, ngo bate beke mbe ? ² Buini, buiyi nkanda muiti mu tshu tomo, mua pundu bande u miteme nyiti, nya yebe banda ndo nya bora banda u bate ba bakimi. ³ Keke bua ya shundj'ande buiyi nkanda mua bora Kristu , mu bu yeke biti. Ka bashe mupund'ando mashi ma nkanda, ba mu pund'ando punga Ndjambe ndjua monyo ka bashe pundu ariki ri ma manya bi,keke ba pundu ku miteme nya bate. ⁴ Ipu rini ri mawekeme mana miy'ando u bora Ndjambe u mboko a bora Kristu. ⁵ Tshua kap'ando bu nono bita mene ishini ku rombo ikete ngora miki punu u biti. Kek'ande bunono bua miki punu ku bora Ndjambe. ⁶ Ndjambe a kere y'ande biti tshu wara bina ngunu ba nkondo mua yembe munu muiyi nkondo mua bere wi punu u nkanda mua punu ku punga Ndjambe,ishin'ande mikendje nya miki rata iwa,keke punga Ndjambe ya miki rata monyo. ⁷ Keka ngowo ngunu mua wirate iwa bapundu ando marete ariki ri mamanya.ukata rutono ipu rande bina Isarere ka batoko wara ndo ipu rirendere shako imoko u bosho bua bora Mose. Djini ishini rutono rua bosho buanda,rutono rua wara rushamba. ⁸ Ngunu mua punga Ndjambe shi mua robo reke uwa ndo rutno mbe ? ⁹ Ndjambe yande ku buishi bate u makamba ishini ngunu mua kere banda u makini keke ngunu munu muawara ngunu mu rutoto. Ipu imoko Ndjambe ameke weshe bate ku ngunu mua meke kere bate ukata pung'ande ,keke rutno rua ngunu mua punga Ndjambe mua reke ngunu mu mikendje rutono. ¹⁰ Irak rini runu rua wara shoko imoko a rutono rua kapa ru karuiyi ndo rutono, ishini rutono run u rua neke. ¹¹ Ishin'ande runu rua wara ruashamba rua wara ndo rutono, runu ake ruwara shera-shere rua reke ndo rutono rua reke. ¹² Mbe djara ipu rantshiki biti nteme tshuiyi ndo nkomo mua buiki , ¹³ Biti tshuakapa ngo mayishe, yono iyarita mapere u bosho,ishin'ande bina Isharere ko bashe yereme umono shoko imoko , Mamaneshe mi rutono mana mawara mishamba ¹⁴ Buyebe bua banda bua meyi buiyi bua bukete tu ndo arini maritiri mi mapere mana miyi to ndo arini itanga ramaraka banda nkanda mu mawokesho mawara. Kama toko ripuwa ishin'ande paku Kristu antowoko manda. ¹⁵ Keke ayash'arini matanga ma makimi mqamaraka banda mikamda nya bora mapere mak riti miteme nya banda. ¹⁶ Keke itanga ramaraka moto nteme uweshe Kumu Yesu,mapere mitowo u bosho buanda. ¹⁷ Kumu yiyi Punga Ndjambe. Iraka rini ri Punga Ndjambe, iraka riyi u ya wara ra. ¹⁸ Bite bakimi baripuawa mishi tshuamonoko. rutono rua bora Kumu, Biti tshuangueteke barama ipu imoko ri rutono. U ruttoto rua reke irueke, ngo rua wi punu u bora Kumu yono yiyi Pungu.