¹ Miyi Paulo, moto yono ndjua tomo band u bora Yezu Kristu u ruwondo rua bora Ndjambe,bit'a muan'a mayi Timote, tshuak'bu pundushu buinu bin'a Ekelezia ndja bora Ndjambe ndja boro bua Kolinto, ndo bato bane ba weshe Ndjambe bane biyi u itenye ra shini ndjua Akayi. ² N'tshongo ndo poro djini dja mik'punu u bor'ishiti Ndjambe aki u bora Kumu Yezu-Kristu djar'ando yinu. ³ Busheke Ndjambe ishand'abora Yezu- Kristu idji rutono. Yand yi tata ndjua irerere ndo ndjua meke yeke poro u mitanda nya mikimi. ⁴ Ndjambe a meke tshu yeke poro u ndjoro shitu sha shikimi kek'ande a bitu tshuara ruere ru yeke bato poro bane biyi u kat'a ndjoro. Tshua nyeke bato poro u ndjor'ando poro shini shaka tshu yeke Ndjambe. ⁵ Ngo pwar'yini ndjoro sha bora Kristu a nyoro shindi u bitu, djiyi ayash'ipu imoko poro shitu a mpuruku shindi u bitu u mbok'abora Kristu. ⁶ Mbe djar'ande tshua monoko ndjoro, djiyi poro shinu ando mawondjuwu minu aki mbe djar'ande tshuwiyi ku poro djiyi ishini poro shinu. Poro shinu shiyi sha bara-bara itang rini ra ngoshoko bunu a buinu ikap'u mitanda. ⁷ Nyini nya monoko bitu ngon'a mashikiri mitu ma nteme u buinu miyi ma bara-bara. Ipu rini ra monoko buinu ndjoro, biny'a buinu ando ikap'u poro. ⁸ Babinyitu, shi tshua wesh'ande bu bere yebe mitanda nyini nya mono bitu u bora bua Asiya bi . Tshua wara ku kat'a ntanda mua shamb' munu mua bere bitu toko mono, ipu rini ra nde ka tshua toko war'ando buanya bunu bua nde tshu karak'war'ando monyo ⁹ Ki k'anana, bitu ku mon'ande wu ritu ra tor'a mgam. Ndja war'ande a reke tshua shiki miteme nejitu u bitu bit'amene bi,keke bitu ku shiki miteme nyitu u bora Ndjambe yono ndjua meke wumunu bato bane ba mane wu ¹⁰ . Yanda ku tshu wndjoro u uwu ra ribe keke ikaraka tshu wondjoro matanga mamabimi. ¹¹ I keker'ipu rini itanga rini ra mak'buinu tshu shiki u djara dja bora Ndjambe. keke bato ba buiki bi ka karash' marang'u bora Ndjambe ishini ntshongo u mbok' ndja moromboro ma Ndjambe ma bate ba buiki ishini bitu. ¹² Tshuiy'ando bunyaka u rueyi runu ngow. N' nondo mu mabokoro mitu ma buanya mamasheke. Ishin'ande djiyi ku manya mamasheke ando buanya bunu bua miki punu u bora Ndjambe djini djak'shundju mbok' ndja isheke wuku shamb'ani shin'a manu. ¹³ Tshua nyeriyi meyi mane ngow'mamakimi ando yinu, kuap'ando buanya bu bumoto bi, keke tshua ma yeryi ando ntshongo mua bora Ndjambe. ¹⁴ Ka tshuak'pundushu rueyi rueke mbe dja bere wara pamunu runu rua maraka buinu mbe rundu runu rua nyebeke buinu. Nda ngwengiyik'ande buak' tshu woko busheke. ¹⁵ Ngo pwar'yini ya mak'buinu tshu woko kakeke. Keke u rushuw runu wiyi Kumu Yezu, wara rueyi ru bunyaka bunu, pwar yini i wara buinu rueyi ru bunyaka ishini buinu. ¹⁶ Ishin'ande nda war'nda shiki nteme u rueyi runu ngow, nda wesh'ande ndjyi ra boro buinu bukoto kek'ande bu mono meyi mamasheke ma pwiri shami ipende. ¹⁷ Nda mane ra roriyi u bu mono u bosho bua miyi u wende ra Macedoine. Ambishi yini nda karak'shoto u bunono u makaruwu mami ma Macedoine kek'ande u weshiki u bora bua Yudaya. ¹⁸ Itang'rini ra wara miyi ndi wengiyi rueyi runu ngow, nda wara ndi wete boko djengiyi dja ngono-ngono nda wara ndi roriyi meyi u ipu ri bumoto, kek'ande ndi wesh'ande e,e mbe buap'ande bo,bo itang rini rimoko ? ¹⁹ Ishin'ande muan'abora Ndjambe Yezu- Kristu , yono ndjua shono bitu ikamba rande u ndeng'ayinu, a Sylvain, a Timote, ngon'a miyi, akap'ee mbe kuap'ande bo,bo keke matuwu mamakimi, yi pamun'ande u weshe ,e,e. ²⁰ Ishin'ande marak'mamakimi ma bora Ndjambe miyi u yande pamun'ande e,e : Keke yi djiyi ngosho u yande tshua noko ande amen'u rutono rua bora Ndjambe. ²¹ Kek'angow' yini, Ndjambe ya ku tshu shor'ando yinu ngo bato bane ba yembete u kat'a Kristu, keke ya ku tshu yeke ngunu mu shono lushangu run iruande. ²² Ya ku tshu shiki yendje ndo ya ku tshu yeke pungu yin'indjand u kat'miteme nyitu ngo ikete rini rak'tshu shundu bushek'ikete rini wiyi yand tshu yeke matuwu u matuwu ma bosho. ²³ Kek'aki miyi ku wosho Ndjambe ngo tenue ami, u maberere mami mi bere wiyi ra boro bua Korinto, dja war'ishini ku bu rond'ando buar'u poro buinu u bere war'ando mananasha ngo bi. ²⁴ Kerere yini ngow'ya kap'ande tshua ngwesheke rende ande ipu nani ri ruere ru wara maweshere minu, kek'aki tshua nkereke ngunu ando yinu ishini bunyoka bunu, ishin'ande buiyi ba yembete u maweshere minu.